Last updated on June 8th, 2026 at 07:31 am
ಕಾಸ್ರೋಡ್, ಜೂ. 8: ಸಿರಿಬಾಕಿಲ್ ಮಂಜತ್ತಡ್ಕ ದ ಕೈತಲ್ ಸನಿಯಾರ ಬಯ್ಯಡ್ ಶೌಚಾಲಯೊಗು ಒಕ್ಕುದಿನ ಗುಂಡಿಗ್ ಬೂರ್ದ್ ಆಜಿ ವರ್ಸೊದ ಬಾಲೆ ತೀರ್ದಿನ ನಡಕೆ ವರದಿ ಆತ್ಂಡ್.
ತೋಜಂದೆ ಆದಿತ್ತಿನ ಮಂಜತ್ತಡ್ಕದ ಮೊಹಮ್ಮದ್ ಅಯಾನ್ ಪನ್ಪಿ ಬಾಲೆನ್ ಇಲ್ಲದಕುಲು ನಾಡ್ನಗ ಇಲ್ಲರ್ದ್ ಒಂತೆ ದೂರೊಡು ಕಟ್ಟೊಂದಿತ್ತಿನ ಪೊಸ ಇಲ್ಲದ ಕೈತಲ್ ಬಾಲೆದ ಜೋಡುಲು ತಿಕ್ಕ್ದಿತ್ತ. ಬೊಕ್ಕ ಬಾಲೆ ಗುಂಡಿದ ನೀರ್ಡ್ ತಿಕ್ಕ್ದ್ಂಡ್. ಆಯನ್ ಅಪಗನೇ ಆಸ್ಪತ್ರೆಗ್ ಲೆತೊಂದು ಪೋತೆರ್, ಆಂಡ ಬದ್ಕಾಯೆರ ಆತಿಜಿ. ಬರ್ಸೊರ್ದಾವರ ಗುಂಡಿಡ್ ನೀರ್ ದಿಂಜಿದಿತ್ತ್ಂಡ್.
ತೀರ್ದಿನ ಬಾಲೆ ಮಂಜತ್ತಡ್ಕದ ಅಹ್ಮದ್ ಸಾಜಿದ್ ಬೊಕ್ಕ ಅಸ್ಯುಮ್ಮ ದಂಪತಿನ ಮಗೆ.