Last updated on June 18th, 2026 at 08:16 am
ಇಟ್ಟೆಲ್, ಜೂ. 18: ಕಲ್ವೆ ಸೇರ್ದ್ ಪಾಕ ಗಾತಿದ ಪ್ರಕರಣೊಲೆಡ್ ಪಾಲ್ಪಡೆದ್, ಕರಿನ ಕೆಲ ವರ್ಸೊರ್ದಿಂಚಿ ನ್ಯಾಯಂತಡೆಗ್ ವಿಚಾರಣೆಗ್ ಬರಂದೆ ದೆಂಗ್ತಪ್ಪಾದಿತ್ತಿನ ಪುತ್ತೂರ್ದ ಆರೋಪಿನ್ ವಿಟ್ಲ ಪೊಲೀಸೆರ್ ಪುತ್ತೂರ್ ರೈಲ್ವೆ ಉಂತಡೆದ ಕೈತಲ್ ಅಂಗಾರೆ (ಜೂನ್ 16) ದಸ್ತಗಿರಿ ಮಲ್ತ್ದೆರ್.
ಪುತ್ತೂರು ತಾಲೂಕ್ದ ಚಿಕ್ಕಮುಡ್ನೂರ್ ನಿವಾಸಿ ಮೊಹಮ್ಮದ್ ಸಲಾಂ ಅಲಿಯಾಸ್ ಕೆ. ಎಂ. ಸಲಾಂ ಅಲಿಯಾಸ್ ‘ಡಾಲರ್ ಸಲಾಂ’ (Dollar Salam) ಕೈದಾತಿನ ಆರೋಪಿ. ಆರೋಪಿ ಮೊಹಮ್ಮದ್ ಸಲಾಂನ ಮಿತ್ತ್ ವಿಟ್ಲ ಪೊಲೀಸ್ ಸ್ಟೇಶನ್ಡ್ 2020 ಡ್ ಇಲ್ಲ್ ಲೂಟುದಿನ ಬೊಕ್ಕ ಕಲ್ವೆ ಪ್ರಕರಣ (ಅ.ಕ್ರ ನಂ: 24/2020, ಕಲಂ 457, 380 ಐಪಿಎಸ್) ಬೊಕ್ಕ 2022ಟ್ ಕುಡೊಂಜಿ ಕಲ್ವೆ ಪ್ರಕರಣ (ಅ.ಕ್ರ ನಂ: 34/2022, ಕಲಂ 457, 380 ಐಪಿಎಸ್) ದಾಕಲಾದಿತ್ತ. ಈ ಪ್ರಕರಣೊಲೆಡ್ ಜಾಮೀನ್ ಗೆತೊಂದು ಪಿದಯಿ ಬತ್ತಿತ್ತಿನ ಇಂಬ್ಯೆ, ಅವೆರ್ದ್ ಬೊಕ್ಕ ಮಾನ್ಯ ನ್ಯಾಯಂತಡೆದ ಎದುರು ವಿಚಾರಣೆಗ್ ಬರಂದೆ ಪಾಕ ಸಮೆ ದೆಂಗ್ತಪ್ಪಾದ್ ಇತ್ತೆ. ಅಂಚಾದ್ ನ್ಯಾಯಂತಡೆ ಆಯನ ಮಿತ್ತ್ ವಾರೆಂಟ್ ಪಿದಡ್ಪಾದಿತ್ತ್ಂಡ್.
ಅವೆತ ಒಟ್ಟುಗು, ಆರೋಪಿ ಸಲಾಂ ನ ಮಿತ್ತ್ ಪುತ್ತೂರ್ ನಗರ ಪೊಲೀಸ್ ಸ್ಟೇಶನ್ಡ್ಲಾ ಸರ್ಕಾರಿ ನೌಕರೆರೆಗ್ ಆಕಿನ, ಬೇಲೆಗ್ ತಲೆಪು ಮಲ್ದಿನ ಅಂಚೆನೇ ಕೆರ್ಪೆ ಪನ್ದ್ ಪೋಡಿಕಟ್ಯಾದಿನ ಗಾತಿದ ಪ್ರಕರಣ (ಅ.ಕ್ರ: 45/2023, ಕಲಂ 353, 332, 504 ಐಪಿಎಸ್) ದಾಕಲಾದಿತ್ತ್ಂಡ್. ಈ ಪ್ರಕರಣೊದ ವಿಚಾರಣೆಗ್ಲಾ ಬರಂದಿನೆರ್ದಾವರ ಪುತ್ತೂರು ನ್ಯಾಯಂತಡೆರ್ದ್ಲಾ ಇಂಬ್ಯಗ್ ವಾರೆಂಟ್ ಜಾರಿ ಆದಿತ್ತ್ಂಡ್. ಪತ್ತ ಒಲವು ಇತ್ತ್ದ್ ದಾಳಿ ಮಲ್ತಿನ ವಿಟ್ಲ ಉಪನಿರೀಕ್ಷಕೆರ್ ಬೊಕ್ಕ ಸಿಬ್ಬಂದಿಲೆನ ಕೂಟ, ಪುತ್ತೂರ್ ರೈಲ್ವೆ ಉಂತಡೆದ ಕೈತಲ್ ಬೇಪು ಪಾಡ್ದ್ ಆರೋಪಿನ್ ಉಲಕೈ ಮಲ್ತೊಂದೆರ್. ಕೈದಾತಿನ ಆರೋಪಿನ್ ಮಾನ್ಯ ನ್ಯಾಯಂತಡೆದ ಎದುರು ಲೆತೊಂದು ಪೋದಿತ್ತ್ದ್, ನ್ಯಾಯಂತಡೆ ಆಯಗ್ ನ್ಯಾಯಾಂಗ ಕೈದ್ (Judicial Custody) ಕೊರ್ತುಂಡು.