Last updated on June 18th, 2026 at 03:40 pm
ಕುಡ್ಲ, ಜೂ. 18: ಭ್ರಾಮರೀ ಯಕ್ಷಮಿತ್ರರು ಮಂಗಳೂರು ಟ್ರಸ್ಟ್ ರ್ದ್ ಅಟ್ಟನೆ ಮಲ್ದಿನ ‘ಭ್ರಾಮರೀ ಯಕ್ಷವೈಭವ–2026’ ಕಾರ್ಯಕ್ರಮ ಆಗಸ್ಟ್ 1 ಕ್ ಸನಿಯಾರ ದಾನಿ ಬಯ್ಯ 7 ಗಂಟೆಗ್ ಕುದ್ಮುಲ್ ರಂಗರಾವ್ ಪುರಭವನೊಡು ನಡಪುಂಡು. ಈ ಪೊರ್ತುಡು ಆಟದ ಕ್ಷೇತ್ರೊಡು ಅಜ್ಪ ವರ್ಸೊರ್ದುಲಾ ಎಚ್ಚ ಕಾಲ ಬೆನ್ತಿನ ಪೆರಿಯ ಕಲಾವಿದೆ ಕೆ.ಎಚ್. ದಾಸಪ್ಪ ರೈ ಮೆರೆಗ್ ಪುಗರ್ತೆದ ‘ಭ್ರಾಮರೀ ಯಕ್ಷಮಣಿ’ ಪ್ರಶಸ್ತಿ ಪ್ರದಾನ ಮಲ್ಪರೆ ಉಂಡು. ಪ್ರಶಸ್ತಿಡ್ ರೂ.15 ಸಾರ ಕಾಸ್, ಮಾನಾದಿಗೆದ ಓಲೆ ಬೊಕ್ಕ ಬೊಳ್ಳಿದ ಪದಕ ಇಪ್ಪುಂಡು.
ಆರೆನ 15ನೇ ರ್ಸ ಪ್ರಾಯೊಡೇ ಯಕ್ಷಗಾನ ರಂಗ ಪೊಗ್ಗಿನ ಕೆ.ಎಚ್. ದಾಸಪ್ಪ ರೈ ಮೇರ್ ಕರಿನ ಆಜಿ ದಶಕೊರ್ದುಲಾ ಎಚ್ಚ ಕಾಲ ಯಕ್ಷಗಾನ ಕ್ಷೇತ್ರೊಡು ಆರೆನನೇ ಪುದರ್ ಮಲ್ದೆರ್. ಕರ್ನಾಟಕ ಮೇಳ, ಕದ್ರಿ ಮೇಳ, ಕುಂಬಳೆ-ಕಣಿಪುರ ಮೇಳ, ಮಂಗಳಾದೇವಿ ಮೇಳ ಸೇರ್ದ್ ಪಾಕ ಪುದರ್ಪೋತಿನ ಮೇಳೊಲೆಡ್ ಸೇವೆ ಮಲ್ದಿನ ಆರ್ ದೇಶ-ವಿದೇಶೊಡ್ಲಾ ಪಾಕ ಯಶಸ್ವಿ ಪ್ರದರ್ಶನೊಲೆನ್ ಕೊರ್ತೆರ್.
ಕೋಟಿ-ಚೆನ್ನಯ’ ಯಕ್ಷಗಾನೊದ ಕೋಟಿ ಬೊಕ್ಕ ‘ಕಾಡಮಲ್ಲಿಗೆ’ ಯಕ್ಷಗಾನೊದ ಮೈಂದ ಗುರಿಕಾರೆ ಪಾತ್ರೊಲೆನ ಮುಕೇನ ಯಕ್ಷಾಭಿಮಾನಿಲೆನ ಮನಗೆಂದ್ದೆರ್. ಕಲಾವಿದೆ ಮಾತ್ರ ಅತ್ತಂದೆ ಸ್ವಂತ ಮೇಳ ನಡಪಾವುನ ಗುರ್ಕಾರೆಲಾ ಆದುಲ್ಲೆರ್.