Last updated on June 13th, 2026 at 08:25 am
ಬಂಟ್ವಾಳ, ಜೂ. 12: ಬಾರೀ ತಿಗಲೆ ಬೇನೆ ಬೊಕ್ಕ ಬಂಜಿ ಬೇನೆಡ್ ನರೆಲೊಂದಿತ್ತಿನ ಆಂಜೊವುಗು ನೈಟ್ ಬೀಟ್ ಡ್ ಇತ್ತಿನ ಬಂಟ್ವಾಳ ನಗರ ಸ್ಟೇಷನ್ದ ನೈಟ್ ಬೀಟ್ ಸಿಬ್ಬಂದಿ ಕಡೀರ ಮರ್ದ್ ಮಲ್ತ್ದ್ ಸಿಪಿಆರ್ (CPR) ಮಲ್ಪಾದ್, ಆಸ್ಪತ್ರೆಗ್ ದಾಕಲ್ತ್ದ್ ಜೂವ ಒರಿಪಾದಿನ ಮಾನವೀಯ ನಡಕೆ ಬಂಟ್ವಾಳ ಗೂಡ್ದಬರಿಟ್ ನಡತ್ದ್ಂಡ್.
ಮುಲ್ಪದ ಅಶ್ರಫ್ ಪನ್ಪಿನಾರೆಗ್ ಬಾರೀ ಜೋರುಡು ತಿಗಲೆಬೇನೆ ಬೊಕ್ಕ ಬಂಜಿಬೇನೆ ತೋಜಿದ್ ಬೈದಿತ್ತ್ಂಡ್. ಈ ಪೊರ್ತುಡು ಇಲ್ಲರ್ದ್ ಜೋರು ಬಾಕಿಲ್ ಬೊಟ್ಟುನ ಬೊಕ್ಕ ಬುಲಿಪುನ ಶಬ್ದ ಕೇನ್ಡಿನೆರ್ದಾವರ ರೌಂಡ್ಸ್ ತಿರ್ಗೊಂದಿತ್ತಿನ ಬಂಟ್ವಾಳ ನಗರ ಸ್ಟೇಶನ್ದ ನೈಟ್ ಬೀಟ್ ಸಿಬ್ಬಂದಿ ಅಪಗನೇ ಅಡೆಗ್ ಪೋತೆರ್. ಅಲ್ಪ ಅಶ್ರಫ್ ರೆಗ್ ಲೈಟ್ ಹಾರ್ಟ್ ಅಟ್ಯಾಕ್ ಆತಿನ ತೆರಿದ್ ಬೈದಿತ್ತ್ದ್, ಪರಿಸ್ಥಿತಿದ ಗಾತಿನ್ ತೂದು ಸಿಬ್ಬಂದಿ ಅಪಗನೇ ಕಡೀರ ಮರ್ದ್ ಮಲ್ತ್ದ್ ಸಿಪಿಆರ್ (CPR) ಮಲ್ತ್ದೆರ್. ಬೊಕ್ಕ ಕಡೆಸ್ಸಾವಂದೆ ಆರೆನ್ ಆಸ್ಪತ್ರೆಗ್ ದಾಕಲ್ತ್ದ್ ಬೋಡಾಪಿನ ಮರ್ದ್ ತಿಕ್ಕುಲೆಕ ಕ್ರಮ ಗೆತೊಂದೆರ್.
ಬಂಟ್ವಾಳ ನಗರ ಪೊಲೀಸ್ ಕಾನ್ಸ್ಟೇಬಲ್ ವಿನೋದ್ ಬೊಕ್ಕ ಗೃಹರಕ್ಷಕ ದಳೊದ ಸಿಬ್ಬಂದಿ ಜಯಗಣೇಶ್ ಮೊಕಲೆನ ಸಮಯಪ್ರಜ್ಞೆ, ತುರ್ತು ಸ್ಪಂದನೆ ಬೊಕ್ಕ ಮಾನವೀಯ ಸೇವೆರ್ದಾವರ ಅಶ್ರಫ್ ರೆನ ಜೂವ ಒರಿದಿತ್ತ್ದ್, ಸಾರ್ವಜನಿಕೆರ್ ಪುಗರೊಂದಲ್ಲೆರ್.