Last updated on June 26th, 2026 at 12:53 pm
ಬೋಲ್ತೇರ್, ಜೂ. 26: ಡ್ರೈವರ್ನ ಅಂಕೆ ತತ್ತ್ದ್ ಒಂಜಿ ಕಾರ್ ಕರೆಂಟ್ ಕುಂದೊಗು ಎಡ್ತಿನ ನಡಪು ಸುಲ್ಕೇರಿ ಗ್ರಾಮೊಡು ಇನಿ, ಶುಕ್ರವಾರ ಕಾಂಡೆ ನಡತ್ದ್ಂಡ್. ಎಡ್ತಿನ ಬರಸ್ಗ್ ಕಾರ್ ಅಲಕ್ಕ ಞಕ್ಕೆ ಆದಿತ್ತ್ದ್, ಬೆರ್ಮೆರೆ ದಯೆಟ್ ಕಾರ್ಡ್ ಇತ್ತಿನಕುಲು ಕಿಞ್ಞ ಕಿಞ್ಞ ಗಡಿಕುಲಾದ್ ಬಚಾವಾತೆರ್.
ಸುಲ್ಕೇರಿ ಗ್ರಾಮೊದ ಪೆರ್ಸಾದಿಡ್ ಬಾರೀ ಬೀಸಡ್ ಪೋವೊಂದಿತ್ತಿನ ಮಾರುತಿ ಸುಜುಕಿ ಕಾರ್, ಡ್ರೈವರ್ನ ಅಂಕೆ ತತ್ತ್ದ್ ಸಾದಿ ಬರಿತ ಕರೆಂಟ್ ಕುಂದೊಗು ಬಾರೀ ಜೋರುಡು ಎಡ್ತ್ದ್ಂಡ್. ಎಡ್ತಿನ ಬರಸ್ಗ್ ಕಾಂಕ್ರೀಟ್ ಕರೆಂಟ್ ಕುಂದ ಅಡಿರ್ದೇ ಪೊಲಿದ್ ಕಾರ್ದ ಮಿತ್ತ್ಗೇ ಬೂರ್ದ್ಂಡ್. ಅಂಚಾದ್ ಕಾರ್ದ ಬಾನೆಟ್, ಬಂಪರ್ ಬೊಕ್ಕ ಇಂಜಿನ್ ಭಾಗ ಅಲಕ್ಕ ಞಕ್ಕೆ ಆತ್ಂಡ್. ಕಾರ್ದ ಎದುರು ಮೆಯಿ ತೂನಗ ಉಲಯಿ ಇತ್ತಿನಕುಲು ಬದ್ಕ್ದ್ ಒರಿದಿನೇ ಮಲ್ಲ್ ಕಾರ್ನಿಕ ಪನ್ದ್ ತೂಯಿನಕುಲು ಪನೊಂದಿತ್ತೆರ್.
ಎಡ್ತಿನ ಬರಸ್ಗ್ ಕರೆಂಟ್ ಕುಂದ ಪೊಲಿದಿನೆರ್ದಾವರ ಹೈ-ವೋಲ್ಟೇಜ್ ಕರೆಂಟ್ ವಯರ್ ಕಡಿದ್ ಸಾದಿಗ್ ಬೂರ್ದಿತ್ತ್ಂಡ್. ಅಂಚಾದ್ ಈ ಭಾಗೊಡು ಅಪಗನೇ ಕರೆಂಟ್ ಪೋತುಂಡು. ಮೆಸ್ಕಾಂ (MESCOM) ಸಿಬ್ಬಂದಿ ಕಾರ್ದ ಮಿತ್ತ್ ಬೂರ್ದಿನ ಕುಂದ ಬೊಕ್ಕ ವಯರ್ ದೆಪ್ಪಾದ್, ತುರ್ತ ರಿಪೇರಿ ಬೇಲೆ ಮಲ್ತ್ದೆರ್. ಜಾಗೆಗ್ ಬೋಲ್ತೇರ್ ಸಂಚಾರಿ ಪೊಲೀಸೆರ್ ಬತ್ತ್ದ್, ಪರಿಶೀಲನೆ ಮಲ್ತ್ದ್ ಪ್ರಕರಣ ದಾಕಲ್ತೊಂದೆರ್.