Last updated on June 15th, 2026 at 07:59 am
ಕುಡ್ಲ, ಜೂ. 14: ಕೊಟ್ಟಾರ ಚೌಕಿಡ್ ಮರ್ದ್ಗ್ ಸಂಬಂಧಿತಿನ ಆಫೀಸ್ ಒಂಜಿ ನಡಪಾವೊಂದಿತ್ತಿನ ಉದ್ಯಮಿ ಒರಿ ನಾಪತ್ತೆ ಆತಿನ ಬಗೆಟ್ ಉರ್ವ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾತ್ಂಡ್.
ನಾಪತ್ತೆ ಆತಿನ ಆಂಜೊವುನು ಸುನೀಲ್ ಬಿ. ಎಸ್. (36) ಪನ್ದ್ ಗುರ್ತ ಪತ್ತ್ದೆರ್. ಆರ್ ಬಿಜೈಡ್ ಒಂಜಿ ಪಿಜಿ ಡ್ ಇಪ್ಪೆದೆರ್.
ಇಲ್ಲದಕುಲು ಬರೆಪಾದಿನ ಒಯಿಲ್ದ ಪ್ರಕಾರ, ಸುನೀಲ್ ಜೂನ್ 12 ತ ಬಯ್ಯಡ್ ಆರೆನ ಬೇಲೆ ಮುಗಿತ್ದ್, ರಾತ್ರೆ ಸುಮಾರ್ 9 ಗಂಟೆಗ್ ಆರೆನ ಸಂಗಡಿಗನ ಮೊಬೈಲ್ಗ್ ಮೆಸೇಜ್ ಕಡಪುಡ್ದಿತ್ತೆರ್.
ಆ ಮೆಸೇಜ್ ಕಡಪುಡ್ದಿನ ಬೆರಿಟೇ ಆರೆನ ಮೊಬೈಲ್ ಸ್ವಿಚ್ ಆಫ್ ಆತ್ಂಡ್. ಆನಿರ್ದ್ ಆರ್ ಸಂಪರ್ಕೊಗು ತಿಕ್ಕಂದೆ ನಾಪತ್ತೆ ಆತೆರ್.
ಇಲ್ಲದಕುಲು ಒರ್ಮೆಲಾ ನಾಡ್ಂಡಲಾ ಆರ್ ತಿಕ್ಂದಿನೆರ್ದಾವರ, ಪೊಲೀಸ್ ಸ್ಟೇಶನ್ಡ್ ಒಯಿಲ್ ಬರೆಪಾದೆರ್. ಈ ಬಗೆಟ್ ಉರ್ವ ಪೊಲೀಸೆರ್ ಜಡ್ತೆ ಮಲ್ತೊಂದುಲ್ಲೆರ್.