Last updated on June 20th, 2026 at 03:48 pm
ಕಡಬ, ಜೂ.20: ಆಲಂಗಾರ್ ಪೇಂಟೆಡ್ ಹೋಟೆಲ್ ನಡಪಾವೊಂದಿತ್ತಿನ ಬಜಗೋಳಿದ ದಿನೇಶ್ ಬೊಕ್ಕ ಸಿದ್ದಕಟ್ಟೆದ ಸಂಗೀತ ದಂಪತಿ ಆಲಂಗಾರ್ದ ಕಜೆಟ್ ಬಾಡಾಯಿದ ಇಲ್ಲಡ್ ಜೂ.20 ದಾನಿ ಸೈದಿನ ಸ್ಥಿತಿಟ್ ತಿಕ್ಕ್ದೆರ್.
ಬೊಡೆದಿನ್ ಕೆರ್ದ್ ಕಂಡನೆ ಬಲ್ಲ್ ಪಾಡೊಂದು ಆತ್ಮಹತ್ಯೆ ಮಲ್ತೊಂದಿನ ಶಂಕೆ ತೋಜಿದ್ ಬೈದ್ಂಡ್. ಈ ದಂಪತಿಗ್ ರಡ್ಡ ವರ್ಸ ಪ್ರಾಯೊದ ದೃವಿ ಪನ್ಪಿ ಪೊಣ್ಣು ಬಾಲೆ ಉಂಡು.
ಒಂಜಿ ತಿಂಗೊಲುಗು ದುಂಬು ಆಲಂಗಾರ್ ಪೇಂಟೆದ ಹೋಟೆಲ್ ಬುಡ್ದು ಪೋದಿತ್ತಿನ ಮೊಕುಲು, ಜೂ.19ದ ಬಯ್ಯಡ್ ಆಲಂಗಾರ್ ಕಜೆತ ಬಾಡಾಯಿದ ಇಲ್ಲಗ್ ಪಿರ ಬತ್ತಿತ್ತೆರ್. ಜೂ.20 ದಾನಿ ಈ ನಡಪು ನಡತಿತ್ತ್ದ್, ಇಲ್ಲದ ಉಲಯಿ ಚಿಲ್ಕ ಪಾಡ್ದಿತ್ತ್ಂಡ್. ರಡ್ಡ್ ವರ್ಸೊದ ಪೊಣ್ಣು ಬಾಲೆ ಬುಲ್ತ್ ಬುಲ್ತ್ದ್ ನಿದ್ರೆಗ್ ಜಾರ್ದ್ಂಡ್ ಪನ್ದ್ ಕೈತಲ್ದಕುಲು ತೆರಿಪಾದೆರ್.
ಜಾಗೆಗ್ ಕಡಬ ಪೊಲೀಸ್ ಉಪನಿರೀಕ್ಷಕೆ ಜಂಬುರಾಜ್ ಬೊಕ್ಕ ಸಿಬ್ಬಂದಿ ಬತ್ತ್ದ್ ಪರಿಶೀಲನೆ ಮಲ್ತೊಂದುಲ್ಲೆರ್.