Last updated on June 27th, 2026 at 03:40 pm
ಕಾರ್ಲ/ಹೆಬ್ರಿ, ಜೂ. 27: ಕಾರ್ಲಗ್ ಕೈತಲ್ದ ಸಾದಿ ಬರಿಟ್ ಚಿಟ್ಟೆಪಿಲಿ ತೂವರೆ ತಿಕ್ಕ್ದಿತ್ತ್ದ್, ಒಟ್ಟುಗು ಹೆಬ್ರಿಡ್ ಪಟ್ಟಪಗೆಲ್ಡೇ ಕಂಜಿದ ಮಿತ್ತ್ ಚಿಟ್ಟೆಪಿಲಿ ದಾಳಿ ಮಲ್ತಿತ್ತ್ದ್, ನೆಟೆದಕುಲೆಡ ಪೋಡಿಗೆ ಉಂಡು ಮಲ್ದ್ಂಡ್. ಇತ್ತೆನೇ ಅರಣ್ಯ ಇಲಾಖೆದಕುಲು ಬೋಡಾಪಿನ ಕ್ರಮ ಗೆತೊನೊಡು ಪನ್ದ್ ಊರ್ದಕುಲು ಒತ್ತಾಯ ಮಲ್ತ್ದೆರ್.
ಕಾರ್ಲಡ್ ಚಿಟ್ಟೆಪಿಲಿ:
ಜೂನ್ 24 ತಾನಿ ರಾತ್ರೆ ಸುಮಾರ್ 8 ಗಂಟೆದ ಅಂದಾಜಿಗ್ ಕಾರ್ಲದ ಸಾಣೂರ್ ಗ್ರಾಮೊದ ಪಿಲಿಕಲ್ಲ್ ದಲ್ಪ ಸಾದಿ ಬರಿಟ್ ಚಿಟ್ಟೆಪಿಲಿ ತೂವರೆ ತಿಕ್ಕ್ದ್ಂಡ್. ಕಾರ್ಲ ಪೇಂಟೆರ್ದ್ ಇಲ್ಲಗ್ ಪಿರಬರೊಂದಿತ್ತಿನಾರ್ ಒರಿ ಸಾದಿ ಕಡತೊಂದಿತ್ತಿನ ಚಿಟ್ಟೆಪಿಲಿನ್ ತೂದು, ಅವೆನ್ ಆರೆನ ಮೊಬೈಲ್ ಕ್ಯಾಮೆರಾಡ್ ರೆಕಾರ್ಡ್ ಮಲ್ತ್ದೆರ್.
ಪಟ್ಟಪಗೆಲ್ಡೇ ಹೆಬ್ರಿಡ್ ಕಂಜಿದ ಮಿತ್ತ್ ದಾಳಿ:
ಶುಕ್ರವಾರ ಹೆಬ್ರಿದ ಸೀತಾನದಿ ನೇಚರ್ ಕ್ಯಾಂಪ್ ಕೈತಲ್ದ ಕಂಡಡ್ ಮೇಯೊಂದಿತ್ತಿನ ಕಂಜಿದ ಮಿತ್ತ್ ಚಿಟ್ಟೆಪಿಲಿ ಪಗೆಲ್ಡೇ ದಾಳಿ ಮಲ್ದ್ಂಡ್. ಚಂದ್ರಶೇಖರ್ ಶೆಟ್ಟಿ ಪನ್ಪಿನಾರೆಗ್ ಸೇರ್ದಿನ ಕಂಜಿನ್ ಚಿಟ್ಟೆಪಿಲಿ ಕೆಕ್ಕಿಲ್ಡ್ ಪತ್ತ್ದ್ ಗಡಿ ಮಲ್ದ್ಂಡ್. ಬೇತೆ ಪೆತ್ತೊಲು ಅಪಗನೇ ಕೈತಡೆ ಪೋಯಿನೆರ್ದಾವರ ಚಿಟ್ಟೆಪಿಲಿ ಅಲ್ಪರ್ದ್ ಪದ್ರಾಡಾತ್ಂಡ್ಗೆ.
ಆಯಿನಾತ್ ಬೇಗ ಈ ಚಿಟ್ಟೆಪಿಲಿಕ್ಲೆನ್ ಪತ್ತ್ದ್ ನೆಮ್ಮದಿಡೆ ಸಾದಿಯೆ ನಡಪುಲೆಕ ಮಲ್ಪುಲೆ ಪನ್ದ್ ನೆಟೆದಕುಲು ಅರಣ್ಯ ಇಲಾಖೆಗ್ ಒತ್ತಾಯ ಮಲ್ತ್ದೆರ್.