Last updated on June 23rd, 2026 at 11:01 am
ಬೆದ್ರ, ಜೂ. 23: ಪೋವೊಂದಿತ್ತಿನ ಕಾರ್ದ ಫಾಗ್ ಲೈಟ್ರ್ದ್ ಸೂ ಪತೊಂದು ಕಾರ್ ಅಲಕ್ಕ ಪೊತ್ತುದ್ ಪೋತಿನ ನಡಪು ಬೆದ್ರಡ್ ನಡತ್ದ್ಂಡ್. ದೇಬೆರೆ ದಯೆಟ್, ಕಾರ್ಡ್ ಇತ್ತಿನಕುಲೆಗ್ ಏರೆಗ್ಲಾ ದಾಲ ಆತಿಜಿ.
ಮೂಡುಮಾರ್ನಾಡ್ದ ಅವಿನಾಶ್ ಪನ್ಪಿನಾರೆರ್ದ್ ಕೋಟೆಕಾರ್ದ ಮಸೂದ್ ಪನ್ಪಿನಾರ್ ಈ ಕಾರ್ನ್ ಇಂಚಿಪ ಗೆತೊಂದಿತ್ತೆರ್. ಮಸೂದ್ ಆರೆನ ಇಲ್ಲದಕಲೆನ ಒಟ್ಟುಗು ಬೆದ್ರಗ್ ಪೋವೊಂದುಪ್ಪುನಗ ಈ ನಡಪು ನಡತ್ದ್ಂಡ್.
ಗಾಡಿ ಪರ ಪುರಸಭೆ ಕಟ್ವಾನೊದಡೆ ಎತ್ತ್ನಗ, ಕಾರ್ಡ್ ಪುಗೆ ಬರ್ಪಿನೆನ್ ತೂದು ಅಪಗನೇ ಕಾರ್ ಉಂತಾದ್, ಕಾರ್ಡ್ ಇತ್ತಿನ ಜೋಕುಲು ಪೊಂಜೊವುಲೆನ್ ಜಪ್ಪುಡಾದೆರ್. ಒಂತೆ ಪೊರ್ತುಡೇ ಕಾರ್ ಸೂ ಪತೊಂದು ಪೊತ್ತುದ್ ಪೋತುಂಡು.
ವಿಷಯ ತೆರಿನನೇ ಅಗ್ನಿಶಾಮಕ ದಳದ ಬತ್ತ್ದ್, ಸಾರ್ವಜನಿಕೆರೆ ಸಕಾಯೊಡು ಸೂ ತೆಕ್ಕಾದೆರ್. ಬೆದ್ರ ಪೊಲೀಸೆರ್ ಬತ್ತ್ದ್ ಪರಿಶೀಲನೆ ಮಲ್ತ್ದೆರ್.