Last updated on June 3rd, 2026 at 10:09 am
ಬೆಂಗಳೂರ್, ಜೂನ್ 3: ರಾಜ್ಯೊಡು ಪೊಸ ಮುಖ್ಯಮಂತ್ರಿಯಾದ್ ಡಿಕೆ ಶಿವಕುಮಾರ್ (DK Shivakumar) ಇನಿ ಅಧಿಕಾರ ಗೆತೊನೊಂದಿತ್ತ್ದ್, ಆರೆನ ಸಂಪುಟೊಗು ಗೋಡ್ಯರೆ ಇಪ್ಪುನ ಸಂಭಾವ್ಯ ಸಚಿವೆರೆನ ಅಕೇರೀದ ನಿಲವುದ ಫೈನಲ್ ಲಿಸ್ಟ್ ತಿಕ್ಕ್ದ್ಂಡ್. ಇನಿ ಮುಖ್ಯಮಂತ್ರಿಲೆನ ಒಟ್ಟುಗು ಒಟ್ಟು 14 ಜನ ಶಾಸಕೆರ್ ಸಚಿವೆರಾದ್ ಪದಗ್ರಹಣ ಮಲ್ಪುನ ಸಾಧ್ಯತೆ ಉಂಡು. ದೆಲ್ಲಿಡ್ ನಡತಿನ ಪಾಕ ದಿನೊತ ಮ್ಯಾರಥಾನ್ ಇನಯೊಲೆ ಬೊಕ್ಕ ಹೈಕಮಾಂಡ್ ಈ ಪಟ್ಟಿ ಮಲ್ತಿತ್ತ್ದ್, ಒಂತೆ ಪೊರ್ತುಡೇ ಕಾಂಗ್ರೆಸ್ ವರಿಷ್ಠೆರ್ ಪೊಸ ಸಚಿವೆರೆನ ಅಧಿಕೃತ ಪಟ್ಟಿ ಪ್ರಕಟ ಮಲ್ಪುವೆರ್ ಪನ್ದ್ ತೆರಿದ್ ಬೈದ್ಂಡ್.
ಫೈನಲ್ ಲಿಸ್ಟ್ಡ್ ಏರ್ ಮಾತ ಉಲ್ಲೆರ್?
ಅಕೇರಿದ ನಿಲವುದ ಲೆಕ್ಕಾಚಾರೊಲೆನ ಪ್ರಕಾರ ಸಂಪುಟೊಗು ಗೋಡ್ಯೆರೆ ಇಪ್ಪುನ ಆ 14 ಸಂಭಾವ್ಯ ನಾಯಕೆರೆ ಪಟ್ಟಿ ಇಂಚ ಉಂಡು;
ಡಾ. ಜಿ. ಪರಮೇಶ್ವರ್, ಯತೀಂದ್ರ ಸಿದ್ದರಾಮಯ್ಯೆ, ಕೆ.ಎಚ್. ಮುನಿಯಪ್ಪೆ ಅತ್ತ್ಂಡ ರೂಪಕಲಾ ಶಶಿಧರ್, ಯು.ಟಿ. ಖಾದರ್, ಕೆ.ಜೆ. ಜಾರ್ಜ್, ಕೃಷ್ಣ ಬೈರೇಗೌಡೆ, ಎಂ.ಬಿ. ಪಾಟೀಲ್, ಪ್ರಿಯಾಂಕ್ ಖರ್ಗೆ, ಸತೀಶ್ ಜಾರಕಿಹೊಳಿ, ರಾಮಲಿಂಗ ರೆಡ್ಡಿ, ದಿನೇಶ್ ಗುಂಡೂರಾವ್, ಬೈರತಿ ಸುರೇಶ್, ಎಚ್.ಕೆ. ಪಾಟೀಲ್ ಅತ್ತ್ಂಡ ಈಶ್ವರ್ ಖಂಡ್ರೆ ಬೊಕ್ಕ ಎನ್. ಚಲುವರಾಯಸ್ವಾಮಿ. ಮಾತಾ ಸಮೀಕರಣೊಲೆನ್ ಪರಿಶೀಲನೆ ಮಲ್ತ್ದೇ ವರಿಷ್ಠೆರ್ ಈ ಪಟ್ಟಿನ್ ಮಲ್ತ್ದೆರ್ ಪನ್ದ್ ಬೆಂಗಳೂರು ಗ್ರಾಮಾಂತರ ಜಿಲ್ಲೆದ ದೇವನಹಳ್ಳಿ ಕೈತಲ್ ಕೆಐಎಬಿ (KIA) ವಿಮಾನ ಉಂತಡೆಡ್ ಮಾಜಿ ಸಚಿವೆ ಎಚ್.ಕೆ. ಪಾಟೀಲ್ ಸ್ಪಷ್ಟ ಮಲ್ತೆರ್.