Last updated on June 28th, 2026 at 09:51 am
ಉಳ್ಳಾಲ, ಜೂ. 27: ತಾಲೂಕ್ದ ನಾಟೆಕಲ್ ಕೈತಲ್ ಪಿ.ಎ. ಕಾಲೇಜ್ದ ಬಸ್ ಡ್ರೈವರ್ನ ಗೋಸ್ಮರಿರ್ದಾವರ ಬಸ್ ಸ್ಕೂಟರ್ಗ್ ಎಡ್ತ್ದ್, ಬರಿತ ತೋಟಗ್ ಬೂರ್ದಿನೆರ್ದಾವರ ಸ್ಕೂಟರ್ ಬುಡೊಂದಿತ್ತಿನಾರ್ ತೀರ್ದ್, ಬಸ್ಡಿತ್ತಿನಕಲೆಗ್ ಗಡಿಕುಲಾತಿನ ನಡಪು ನಡತ್ದ್ಂಡ್.
ಈ ಬಗೆಟ್ ಬಾರೀ ಸಂತಾಪ ತೂಪಾದಿನ ಸಚಿವೆ ಯು.ಟಿ. ಖಾದರ್ ಮೇರ್, ಗಡಿಕುಲಾತಿನಕಲೆನ ಮರ್ದ್ದ ಕರ್ಚಿ ತೂವರೆ ಬಸ್ಗ್ ಸಂಬಂಧಿತಿನ ಪಿ.ಎ. ಕಾಲೇಜ್ದ ಆಡಳಿತ ಮಂಡಳಿಗ್ ಸೂಚನೆ ಕೊರ್ದಿತ್ತ್ದ್, ಆಡಳಿತ ಮಂಡಳಿ ಇಂದೆಕ್ ಒತ್ತೊಂದ್ಂಡ್.
ಮಿತ್ತ್ರ್ದ್ ತೂನಗ ಬಸ್ ಡ್ರೈವರ್ನ ಗೋಸ್ಮರಿರ್ದಾವರ ಈ ನಡಪು ನಡತ್ದ್ಂಡ್ ಪನ್ದ್ ತೂಯಿನಕುಲು ತೆರಿಪಾದೆರ್. ಅಂಚಾದ್, ಬಸ್ ಡ್ರೈವರ್ನ ಮಿತ್ತ್ ಬೋಡಾಪಿನ ಕ್ರಮ ಗೆತೊನರೆ ಅಂಚೆನೇ ಇಂಚಿನ ನಡಪುಲು ನನೊರ ಆವಂದಿಲೆಕ ಡ್ರೈವರ್ನಕುಲು ಎಚ್ಚರ್ಗೆ ದೆತೊನುಲೆಕ ಆಡಳಿತ ಮಂಡಳಿಗ್ ಸಚಿವೆರ್ ಸೂಚನೆ ಕೊರ್ತೆರ್.
ಎಡ್ತಿನೆಟ್ಟಿಗೇ ರಕ್ಷಣಾ ಕಾರ್ಯಾಚರಣೆಗ್ ಬತ್ತಿನ ಸಿ.ಎಂ. ರವೂಫ್, ಯುವ ಕಾಂಗ್ರೆಸ್ ಕಾರ್ಯಕರ್ತೆರ್ ಬೊಕ್ಕ ಮುಲ್ಪದಕಲೆನ ಬೇಲೆನ್ ಸಚಿವೆರ್ ಪುಗರ್ಯೆರ್.