Last updated on June 10th, 2026 at 12:28 pm
ಸುಳ್ಯ, ಜೂ. 10: ಇಂಚಿಪ ನಡತಿನ ಸೆಕೆಂಡ್ ಪಿಯುಸಿ ಪರೀಕ್ಷೆಡ್ ರಾಜ್ಯಮಟ್ಟೊಡು 4ನೇ ರ್ಯಾಂಕ್ ಗೆತೊಂದು ತುಳುನಾಡ್ಗ್ ಪುಗರ್ತೆ ಕನತಿತ್ತಿನ ಬಾರೀ ಚಾತುರ್ಪುದ ಪೊಣ್ಣು ಕುಮಾರಿ ಅಭಿಜ್ಞಾ ಭಟ್ (19) ಮೇರ್ ಜೂನ್ 10 ತಾನಿ ತೀರ್ಯೆರ್.
ಸುಳ್ಯದ ಪುಗರ್ತೆದ ENT ತಜ್ಞೆರಾಯಿನ ಡಾ. ರವಿಶಂಕರ್ ಬೊಕ್ಕ ಶ್ರೀಮತಿ ಅನುಪಮ ದಂಪತಿನ ಮಲ್ಲ ಮಗಲ್ ಅಭಿಜ್ಞಾ, ಕರಿನ ಕೆಲ ದಿನೊರ್ದಿಂಚಿ ಉಸಾರ್ ತತ್ತ್ದ್ ಇತ್ತೆರ್. ಸುಳ್ಯದ ಪ್ರೈವೇಟ್ ಆಸ್ಪತ್ರೆಡ್ ಮರ್ದ್ ಮಲ್ತೊಂದಿತ್ತಿನ ಆರ್ ಇನಿ ಮರ್ದ್ ಪಲಿಪಂದೆ ತೀರ್ದೆರ್.
ಅಭಿಜ್ಞಾ ಭಟ್ ಮೇರ್ ಎಡ್ಡೆ ಚಾತುರ್ಪುದ ವಿದ್ಯಾರ್ಥಿನಿ ಆದಿತ್ತೆರ್. ಇಂಚಿಪ ಪ್ರಕಟ ಆಯಿನ ಪಿಯುಸಿ ಫಲಿತಾಂಶೊಡು 600ಕ್ಕೆ 596 ಮಾರ್ಕ್ ಗೆತೊಂದು ರಾಜ್ಯೊಗು 4ನೇ ರ್ಯಾಂಕ್ ಗೆತ್ಂದಿತ್ತೆರ್. ದುಂಬಗ್ ಉನ್ನತ ವಿದ್ಯಾಭ್ಯಾಸೊದ ಕನ ಮೊಡೆದಿತ್ತಿನ ಈ ಪೊಣ್ಣು, ಅತ್ತಂದಿ ಪ್ರಾಯೊಡು ಅಗತಿನವು ಮಾತೆರೆಗ್ಲಾ ಬೆಸರ್ ಕನೈದ್ಂಡ್.
ಅಭಿಜ್ಞಾ ಅಮ್ಮೆರ್ ಡಾ. ರವಿಶಂಕರ್, ಅಪ್ಪೆ ಅನುಪಮ, ಸಂಗಡಿ ಕುಮಾರಿ ಅನುಜ್ಞ ಬೊಕ್ಕ ಪಾಕ ಬಂಧು-ಇಸ್ಟೆರೆನ್ ಅಗತ್ದೆರ್.