Last updated on June 22nd, 2026 at 08:45 am
ಕಾಸ್ರೋಡ್, ಜೂನ್ 22: ಮಲಪ್ಪುರಂ ಜಿಲ್ಲೆಡ್ ನಡತಿನ ಆಕ್ಸಿಡೆಂಟ್ಡ್ ಮಂಜೇಶ್ವರ ತಾಲೂಕ್ದ ವರ್ಕಾಡಿ ಗ್ರಾಮೊದ ತೋಕೆದ ಜವನೆ ಒರಿ ತೀರ್ದಿನ ನಡಪು ಸನಿಯಾರ ನಡತ್ದ್ಂಡ್.
ತೀರ್ದಿನಾರೆನ್ ತೋಕೆ ನಿವಾಸಿ ಅಬ್ಬಾಸ್ ಪನ್ಪಿನಾರೆನ ಮಗೆ ಬದ್ರುಲ್ ಹಫೀಝ್(24) ಪನ್ದ್ ಗುರ್ತ ಪತ್ತ್ದೆರ್.
ಮಲಪ್ಪುರಂಡ್ ಜ್ಯೂಸ್ದ ಅಂಗಡಿ ನಡಪಾವೊಂದಿತ್ತಿನ ಹಫೀಝ್, ಸೋಮಾರ ಕುಟುಮೊದ ಮದಿಮೆ ಒಂಜೆಟ್ ಪಾಲ್ಪಡೆಯೆರೆ ಸನಿಯಾರ ಬೈಕ್ಡ್ ಊರ್ಗ್ ಪಿದಡ್ದಿತ್ತೆರ್. ಬನ್ನಗ ಬೈಕ್ ಸ್ಕಿಡ್ ಆದ್ ಡಿವೈಡರ್ಗ್ ಎಡ್ತ್ದ್ಂಡ್ಗೆ. ಎಡ್ತಿನ ಬರಸ್ಗ್ ಸಾದಿಗ್ ರಟ್ಟ್ದ್ ಹಫೀಝ್ ಅಲ್ಪನೇ ತೀರ್ದೆರ್.