Last updated on July 3rd, 2026 at 09:40 am
ಶಿರ್ವ ಜುಲೈ 02: ಪೆಟ್ರೋಲ್ ಬಂಕ್ ಒಂಜೆಟ್ ಫೋರ್ಡ್ ಇಕೋಸ್ಪೋರ್ಟ್ ಕಾರ್ಗ್ ಫುಲ್ ಟ್ಯಾಂಕ್ ಡೀಸೆಲ್ ಪಾಡ್ಪಾದ್, ಕ್ಯೂಆರ್ ಕೋಡ್ ಸ್ಕ್ಯಾನ್ ಮಲ್ತಿಲೆಕ ನಾಟಕ ಮಲ್ತ್ದ್, ಕಾಸ್ ಪತ್ತಾದ್ ಪದ್ರಾಡಾದಿತ್ತಿನ ಮೂವೆರ್ ಆರೋಪಿಲೆನ್ ಶಿರ್ವ ಪೊಲೀಸೆರ್ ಬೆಂಗಳೂರ್ಡ್ ನಾಡ್ಪತ್ತ್ದ್ ಕೈದ್ ಮಲ್ತ್ದೆರ್. ಕೈದಾತಿನಾಕಲೆನ್ ಶಿರ್ವ ಕೋಟೆಕಾರ್ ನಿವಾಸಿ ಮಹಮ್ಮದ್ ರಿಯಾಜ್ (26), ಶಿರ್ವ ಭೂತಬೊಟ್ಟು ನಿವಾಸಿ ಮಹಮ್ಮದ್ ಅಫ್ರಾಜ್ (23) ಬೊಕ್ಕ ಒಡಿಪು ಅಂಬಾಕಿಲ್ದ ಆಶಿಲ್ (21) ಪನ್ದ್ ಗುರ್ತ ಪತ್ತ್ದೆರ್. ಆರೋಪಿಲೆರ್ದ್ ಬೊಲ್ದು ಫೋರ್ಡ್ ಇಕೋಸ್ಪೋರ್ಟ್ ಕಾರ್ನ್ ಉಲಕೈ ಮಲ್ತೊಂದೆರ್.
ಜೂನ್ 27ತಾನಿ ರಾತ್ರೆ 9:10 ತ ಅಂದಾಜಿಗ್ ಕಾರ್ಲ ತಾಲೂಕ್ದ ಕುರ್ಕಾಲ್ ಗ್ರಾಮೊದ ಸುಭಾಸ್ ನಗರದ ಪೆಟ್ರೋಲ್ ಬಂಕ್ಗ್ ಕಾರ್ಡ್ ಬತ್ತಿನ ಆರೋಪಿಲು, ₹4711 ಮೌಲ್ಯೊದ ಡೀಸೆಲ್ ಪಾಡ್ಪಾದ್ ಬಿಲ್ ಕೊರ್ಲೆ ಪನ್ದ್ ನಾಟಕ ಮಲ್ತ್ದ್ ಕಾಸ್ ಕೊರಂದೆ ಪದ್ರಾಡಾತೆರ್.
ಈ ಬಗೆಟ್ ಶಿರ್ವ ಪೊಲೀಸ್ ಸ್ಟೇಶನ್ಡ್ ಬಿಎನ್ಎಸ್ (BNS 2023) ಕಲಂ 316(2) ಬೊಕ್ಕ 318(4) ದ ಅಡಿಟ್ ದಗೆತ ಪ್ರಕರಣ (ಅಪರಾಧ ಕ್ರಮಾಂಕ: 56/2026) ದಾಕಲಾದಿತ್ತ್ಂಡ್. ಪ್ರಕರಣೊನು ಗಾತಿಡ್ ಗೆತೊಂಡಿನ ಕಾರ್ಲ ಡಿವೈಎಸ್ಪಿ ವಿಜಯ ಪ್ರಸಾದ್ ಬೊಕ್ಕ ಕಾಪು ವೃತ್ತ ನಿರೀಕ್ಷಕೆ ಅಝಮತ್ ಆಲಿ ಮಾರ್ಗದರ್ಶನೊಡು ಶಿರ್ವ ಪಿಎಸ್ಐ ನಕುಲಾಯಿನ ಮಂಜುನಾಥ ಮರಬದ, ಲೋಹಿತ್ ಕುಮಾರ್ ಸಿ.ಎಸ್. ಬೊಕ್ಕ ಸಿಬ್ಬಂದಿ ಹರ್ಷ ಭಟ್, ಬಸವರಾಜೆ ಬೊಕ್ಕ ದರಿಯಪ್ಪೆ ಮೊಕಲೆನ ವಿಶೇಷ ಕೂಟ ಜಡ್ತೆ ಮಲ್ತಿತ್ತ್ಂಡ್. ತಾಂತ್ರಿಕ ಒಲವುಲೆನ ಬೆರಿಯೆ ಪೋಯಿನ ಪೊಲೀಸೆರ್ ಆರೋಪಿಲು ಬೆಂಗಳೂರ್ಡ್ ಇಪ್ಪುನೆನ್ ನಾಡ್ಪತ್ತ್ದ್, ಅಡೆಗ್ ಪೋದು ಕಾರ್ದ ಒಟ್ಟುಗು ಮೂವೆರೆನ್ ದಸ್ತಗಿರಿ ಮಲ್ತ್ದೆರ್.