Last updated on July 23rd, 2026 at 12:46 pm
ಬೆಂಗಳೂರ್, ಜು. 23: ಕರ್ನಾಟಕ ಮರಾಟಿ ಸಂಘ (ರಿ.) ಬೆಂಗಳೂರು ಮೊಕಲೆನ ಮುತಾಲಿಕೆಡ್
ಜುಲೈ 26 ತಾನಿ ಕಡೀರ ಸರ್ತಿದ “ಆಟಿಡೊಂಜಿ ದಿನ 2026” ಲೇಸ್ ಬೆಂಗಳೂರ್ದ ರಾಜಾಜಿನಗರೊದ ಶ್ರೀ ಶರಣ ಸೇವಾ ಸಮಾಜ (ರಿ.) ಮಹಾಮನೆ ಮುಲ್ಪ ಬಾರೀ ಗರ್ದ್ಡ್ ನಡಪರೆ ಉಂಡು.
ತುಳುವೆರೆ ಆಟಿ ತಿಂಗೊಲ್ದ ಪಿರಾಕ್ದ ತೆನಸ್, ಆಚಾರ ವಿಚಾರ, ವೈಶಿಷ್ಟ್ಯೊಲೆನ್ ನೆನೆಪು ಮಲ್ತೊನುನ ಈ ಲೇಸ್ಡ್ ಮಧ್ಯಾಹ್ನ ಆಟಿದ ವಿಶೇಷ ವನಸ್ದ ವ್ಯವಸ್ಥೆ ಇಪ್ಪುಂಡು.
ಅಂಚೆನೇ ಗಟ್ಟೊದ ಮುದೆಲ್ಡ್ ಬತ್ತ್ ಕುಲ್ದಿನ ಮರಾಟಿ ಬುಡಕಟ್ಟ್ ಸಮುದಾಯೊಲೆನ ಸಮಾವೇಶೊದ ಪೂರ್ವಭಾವಿ ಸಭೆ ಬೊಕ್ಕ ಸಮಿತಿಲೆನ ಕಟ್ಟುನ ಕಜ್ಜೊಲಾ ನಡಪರೆಗುಂಡು.
ಬೆಂಗಳೂರ್ಡ್ ಅಟ್ಟನೆ ಮಲ್ದಿನ ಈ ಲೇಸ್ಗ್ ಬೆಂಗಳೂರ್ಡ್ ಇಪ್ಪುನ ಮಾತಾ ಮರಾಟೆರ್, ತುಳುವೆರೆನ ಸಹಕಾರೊನು ಕರ್ನಾಟಕ ಮರಾಟಿ ಸಂಘ (ರಿ.) ಬೆಂಗಳೂರು ಇಂದೆತ
ಗುರ್ಕಾರ್ಲು ಬೊಕ್ಕ ಕಾರ್ಯಕಾರಿ ಸಮಿತಿದ ಪದುಕೆರ್ ಈ ಮುಕೇನ ಕೇನೊಂದುಲ್ಲೆರ್.