Last updated on July 4th, 2026 at 01:00 pm
ಗುಂಡ್ಯ, ಜು. 04: ಉಬಾರ್ ಪೊಲೀಸ್ ಸ್ಟೇಶನ್ ಸೀಮೆದ ಶಿರಾಡಿ ಗ್ರಾಮೊದ ಗುಂಡ್ಯ ದ ಕೈತಲ್ ಒಂಜಿ ಕಂಟೈನರ್ ಲಾರಿ ಕಾರ್ಗ್ ಎಡ್ತಿನೆರ್ದಾವರ ಕಾರ್ ಞಕ್ಕೆ ಆತ್ಂಡ್.
ಬೇಲೂರು ತಾಲೂಕ್ದ ಸೋಂಪುರ ನಿವಾಸಿ ಹರ್ಷ ಟಿ. ಮೇರ್ ಕುಡ್ಲಡ್ ಕಲ್ತೊಂದುಪ್ಪುನ ಆರೆನ ಮಗಲೆನ್ ಲೆತೊಂದು ಬರ್ಯೆರ ಕಾರ್ಡ್ ಪೋವೊಂದುಪ್ಪುನಗ, ಗುಂಡ್ಯದ ತಿರ್ಗೆಲ್ ಸಾದಿಡ್ ಕಂಟೈನರ್ ಡ್ರೈವರ್ ಸಂಚಾರಿ ನಿಯಮೊಲೆನ್ ಗೆನ್ಪಂದೆ ಗೋಸ್ಮರಿಡ್ ಗಾಡಿ ಬುಡೊಂದು ಬತ್ತ್ದ್ ಕಾರ್ಗ್ ಎಡ್ತ್ದೆ ಪನ್ದ್ ಒಯಿಲ್ಡ್ ಬರೆಪಾದೆರ್.
ಎಡ್ತಿನ ಬರಸ್ಗ್ ಕಾರ್ದ ಎದುರು ಮೆಯಿ ಞಕ್ಕೆ ಆದಿತ್ತ್ದ್, ಕಾರ್ಡ್ ಇತ್ತಿನ ಹರ್ಷ ಟಿ. ಮೇರ್ ದಾಲ ಆವಂದೆ ಉಂಬರೊರ್ದು ಬಚಾವಾತೆರ್. ಈ ಬಗೆಟ್ ಉಬಾರ್ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾದಿತ್ತ್ದ್, ಪೊಲೀಸೆರ್ ಜಡ್ತೆ ಮಲ್ತೊಂದುಲ್ಲೆರ್.