Last updated on July 12th, 2026 at 09:05 am
ಕುಡ್ಲ, ಜು. 12: ಮೈಸೂರ್ ದಸರಾದ ಪೊರ್ತುಡು ಮೈಸೂರ್ಡ್ ನಡಪಾವರೆ ಅಟ್ಟನೆ ಆವೊಂದುಪ್ಪುನ ಕಂಬುಲಗ್ ಇತ್ತೆ ಭಾರೀ ವಿರೋಧ ತೋಜಿದ್ ಬರೊಂದುಂಡು. ಇತ್ತೆನೇ ಮೈಸೂರ್ ರಾಜವಂಶಸ್ಥೆ, ಸಂಸದೆ ಯದುವೀರ್ ಒಡೆಯರ್ ವಿರೋಧ ತೋಜಾದೆರ್. ಅವೆತ ಬೆರಿಟೇ ಮಾಜಿ ಸಂಸದೆರ್ ಪ್ರತಾಪ್ ಸೂರ್ಯೆಲಾ ಇತ್ತೆದ ಸಂಸದೆರೆ ಪಾತೆರೊಗು ತಾಂಗ್ ಕೊರ್ದಿತ್ತೆರ್. ಇತ್ತೆ ಕೇಂದ್ರ ಸಚಿವೆ ಎಚ್. ಡಿ. ಕುಮಾರಸ್ವಾಮಿ ಲಾ ಮೈಸೂರ್ಡ್ ಕಂಬುಲ ನಡಪಾವುನ ಬಗೆಟ್ ಆರೆನ ವಿರೋಧ ತೋಜಾದೆರ್.
ಸಾಮಾಜಿಕ ಬಲೆತ್ತಾನ ಫೇಸ್ಬುಕ್ ಡ್ ಈ ಬಗೆಟ್ ಪೋಸ್ಟ್ ಮಲ್ದಿನ ಕುಮಾರಸ್ವಾಮಿ ಪರಂಪರಾಗತವಾಗದ್ ತನ್ನನೇ ಆಯಿನ ವೈಶಿಷ್ಟ್ಯೊಡು ಮೆರೆವೊಂದುಪ್ಪುನ ಮೈಸೂರ್ ದಸರಾ ಉತ್ಸವೊಡು ಕಂಬುಲೊನು ಗೋಡ್ಯಾವುನ ಅಗತ್ಯ ಇಜ್ಜಿ. ಇದಮುಟ್ಟಲಾ ನಡತೊಂದು ಬೈದಿನ ದಸರಾಗ್ ತೆಟ್ಟ್ ಕನಪುನ ಪುನೆಪು ಖಂಡಿತ ಬೊರ್ಚಿ.
ಕಂಬುಲ ತುಲುನಾಡ್ದ ಸಾಂಸ್ಕೃತಿಕ ಶ್ರೇಷ್ಠತೆ ಬೊಕ್ಕ ನಂಬೊಲಿಗೆದ ಪ್ರತೀಕ. ಭೌಗೋಳಿಕವಾದ್ ಆ ಭಾಗೊಗು ಮಾತ್ರ ಒಂಬುನ ಆಚರಣೆಲಾ ಅಂದ್. ತುಳುನಾಡ ಪ್ರದೇಶ ಪಚ್ಚೆ ಪಜಿರ್ ಬೊಕ್ಕ ನೀರ್ದ ಸಂಗಮ. ಅಂಚಿನ ಪ್ರಾಕೃತಿಕ ಜಾಗೆಡ್ ಕಂಬುಲ ತೂಪುನವು ಧನ್ಯತೆದ ಅನುಭವ ಪನ್ಪಿನ ಎನ್ನ ಭಾವನೆ. ಅಂಚಾದ್ ಮೈಸೂರ್ ಬೊಕ್ಕ ತುಳುನಾಡ ಜನೊಕ್ಲೆನ ಭಾವನೆಲೆಗ್ ಬೇನೆ ಮಲ್ಪೆರೆ ಬಲ್ಲಿ ಪನ್ದ್ ಆರ್ ಪನ್ಡೆರ್.