ಕಾಂಗ್ರೆಸ್ ನಾಯಕೆರೆನ ನಡುಟೇ ಸುರುವಾಂಡ್ ‘ಹೇಮಾವತಿ’ ಗ್ ಲಡಯಿ! ‘ಎನ್ನ ಕ್ಷೇತ್ರೊಗು ಅನ್ಯಾಯ ಆಯೆರ ಬುಡ್ಪುಜಿ’ ಪನ್ದ್ ಪನ್ಡಿನ ಗುಬ್ಬಿ ಶಾಸಕೆ, ರಾಮಲಿಂಗಾರೆಡ್ಡಿ ದಾದ ಪನ್ಡೆರ್?

Last updated on July 2nd, 2026 at 01:03 pm

ತುಮಕೂರ್, ಜು. 2: ರಾಜ್ಯ ರಾಜಕಾರಣೊಡು ಭಾರೀ ಸಂಚಲನ ಉಂಡು ಮಲ್ತಿತ್ತಿನ ವಿವಾದಿತ ಹೇಮಾವತಿ ಲಿಂಕಿಂಗ್ ಕೆನಾಲ್ ಕಾಮಗಾರಿ ವಿಚಾರ ಇತ್ತೆ ಕುಡ ದುಂಬು ಬೈದಿತ್ತ್‌ದ್, ಸರ್ಕಾರೊದ ವಿರುದ್ಧ ಸ್ವಪಕ್ಷೊದ ಶಾಸಕೆರೆರ್ದೇ ಬಾರೀ ವಿರೋಧ ತೋಜಿದ್ ಬೈದ್ಂಡ್. ಸರ್ಕಾರೊದ ಕನೊತ ಯೋಜನೆ ಪನ್ದೇ ಪನೊಂದುಪ್ಪುನ ಈ ಬೇಲೆಗ್ ಪ್ರಭಾವಿ ನಾಯಕೆರೇ ಅಪಸ್ವರ ದೇರ್ತ್‌ದೆರ್.

ಸರ್ಕಾರೊಗು ಗುಬ್ಬಿ ಶಾಸಕೆ ಎಸ್.ಆರ್. ಶ್ರೀನಿವಾಸ್ ಓಪನ್ ಚಾಲೆಂಜ್
ಈ ಯೋಜನೆಗ್ ಬಾರೀ ವಿರೋಧ ತೋಜಾದಿನ ಗುಬ್ಬಿ ಕ್ಷೇತ್ರೊದ ಕಾಂಗ್ರೆಸ್ ಶಾಸಕೆ ಎಸ್.ಆರ್. ಶ್ರೀನಿವಾಸ್ (ವಾಸಣ್ಣೆ), ಸರ್ಕಾರೊದ ವಿರುದ್ಧೊನೇ ಉಂತುದೆರ್. “ಎಂಚಿನ ಆಂಡಲಾ ಹೇಮಾವತಿ ಲಿಂಕಿಂಗ್ ಕೆನಾಲ್ ಬೇಲೆ ನಡಪರೆ ಬುಡ್ಪುಜಿ” ಪನ್ದ್ ಆರ್ ಪಿಸ್‌ರ್‌ಡ್ ಪನ್ತೆರ್.

“ಏನ್ ದುಂಬು ಜೆಡಿಎಸ್ ಪಕ್ಷೊನು ಬುಡ್ದು ಕಾಂಗ್ರೆಸ್‌ಗ್ ಸೇರ್ದಿನ ಈ ಯೋಜನೆನ್ ಉಂತಾಯೆರೆ ಬೋಡಾದ್. ಎನ್ನ ಕ್ಷೇತ್ರೊದ ಹಿತ ಬೊಕ್ಕ ರೈತೆರೆ ಪೊರ್ಮ್ಬಾಟೊನೇ ಎಂಕ್ ಮುಖ್ಯ. ಈತ್ತೆನೇ ಈ ವಿಚಾರೊಡು ಸರ್ಕಾರೊದ ಉನ್ನತ ಮಟ್ಟೊಡು, ನಾಲ್ ಗೋಡೆದ ನಡುಟು ಎನ್ನ ತೀವ್ರ ವಿರೋಧೊನು ತೆರಿಪಾದೆ. ಅಂಚಾದ್ ಕಾಮಗಾರಿ ಸುರು ಆಯೆರೆ ಬುಡ್ಪುಜಿ” ಪನ್ದ್ ಶ್ರೀನಿವಾಸ್ ಬೆಚ್ಚೊಡು ಪನ್ತೆರ್. ಕಾಮಗಾರಿ ಓಲಾಂಡಲಾ ದುಂಬರಿಂಡ ಆರ್ ಪಕ್ಷ ಬುಡ್ಪೆರಾ ಪನ್ಪಿ ಚರ್ಚೆಲಾ ರಾಜಕೀಯ ವಲಯೊಡು ಸುರು ಆತ್ಂಡ್. ಶಾಸಕೆರೆ ಭಿನ್ನಮತ ತೆಕ್ಕಾಯೆರ ಸರ್ಕಾರ ಮಲ್ದಿನ ಸಂಧಾನ ಕೋಡಿ ಎತ್ತ್‌ದ್‌ಜಿ ಪನ್ಪಿ ಒಲವು ಉಂದೆಟ್ ತೆರಿದ್ ಬರ್ಪುಂಡು.

ಯೋಜನೆ ಜಾರಿ ಮಲ್ಪೆರೆ ಕೊಡಿ ಕಾರ್‌ಡ್ ಇಪ್ಪುನ ಜಲಸಂಪನ್ಮೂಲ ಸಚಿವೆ ರಾಮಲಿಂಗಾರೆಡ್ಡಿ:
ಆಂಡ ಕುಡೊಂಜಿ ಮರ್ಗಿಲ್‌ಡ್, ಯೋಜನೆ ಅನುಷ್ಠಾನ ಮಲ್ಪೆರ ಸರ್ಕಾರ ಬದ್ಧ ಆದುಂಡು ಪನ್ಪಿ ಸೊಲ್ಲಂಜೊನು ಜಲಸಂಪನ್ಮೂಲ ಸಚಿವೆ ರಾಮಲಿಂಗಾರೆಡ್ಡಿ ಕೊರ್ತೆರ್. ಈ ಬಗೆಟ್ ಪಾಯೆರ್ದಿನ ಆರ್, “ಯೋಜನೆ ಜಾರಿ ಮಲ್ಪೆರ ಮಾತಾ ರೀತಿಡ್ ಪುನೆಪ. ಮಾಗಡಿ ಬೊಕ್ಕ ಕುಣಿಗಲ್ ಭಾಗೊದಕುಲು ಅಕ್ಲೆಗ್ ನೀರ್ ಎತ್ತೊಂದಿಜ್ಜಿ ಪನ್ದ್ ಪನೊಂದುಲ್ಲೆರ್. ಅಕಲೆಗ್ ಏತ್ ನೀರ್ ಬೋಡಾ ಆತೆನ್ ನಾಲೆರ್ದೇ ಗೆತೊನಡ್. ಈ ಬಗೆಟ್ ಸಚಿವೆ ಜಿ. ಪರಮೇಶ್ವರ್ ಮೆರೆಡ ಪಾತೆರ್ದ್, ಬೊಕ್ಕ ಮುಖ್ಯಮಂತಿರ್ಲೆನ ಗುಮನೊಗು ಕನತ್‌ದ್ ಅಕೇರಿದ ತೀರ್ಮಾನ ಗೆತೊನುವ. ಮಾತೆರ್ಲಾ ಒಂಜೇ ಜಿಲ್ಲೆದಕುಲಾದಿತ್ತ್‌ದ್ (ತುಮಕೂರು/ರಾಮನಗರ ಭಾಗ), ಪರ-ವಿರೋಧೊದ ನಡುಟುಲಾ ಮಾತಾ ಪಕ್ಷೊದಕುಲು ಕುಲ್ಲುದ್ ಪಾತೆರ್ದ್ ಒಂಜಿ ಪಿರಿಕಟ್ಟ್ ಮಲ್ಪುವ” ಪನ್ದ್ ಪನ್ತೆರ್. ಒಟ್ಟಾರೆ ತೂಪುಂಡ, ಕೆನಾಲ್ ಲಿಂಕಿಂಗ್ ಯೋಜನೆ ಕಾಂಗ್ರೆಸ್ ಪಕ್ಷದ ನಾಯಕೆರೆ ನಡುಟು ಪ್ರತಿಷ್ಠೆದ ಕೊಲಲ ದ ಲೆಕ ಆದಿತ್ತ್‌ದ್, ನನದ ದಿನೊಟು ಎಂಚ ತಿರ್ಗುಂಡು ಪನ್ಪಿ ಸೋದ್ಯ ಉಂಡಾತ್ಂಡ್.