Last updated on July 6th, 2026 at 03:02 pm
ಬಂಟ್ವಾಳ, ಜು. 06: ಕಾಲೇಜ್ಗ್ ಪೋಯೆರ ಬಸ್ಸ್ಗ್ ಕಾತೊಂದಿತ್ತಿನ ಅಪ್ರಾಪ್ತ ವಿದ್ಯಾರ್ಥಿನಿ ಒರ್ತಿಗ್ ಜವನೆ ಒರಿ ಕತ್ತಿಡ್ ಕಡ್ತ್ದಿನ ನಡಪು ಬಂಟ್ವಾಳ ಗ್ರಾಮಾಂತರ ಸ್ಟೇಷನ್ ಸೀಮೆದ ಬಂಟ್ವಾಳ ಮೊಂತಿಮಾರ್ ಬಸ್ ಉಂತಡೆಡ್ ಇನಿ, ಸೋಮವಾರ ಕಾಂಡೆ ನಡತ್ದ್ಂಡ್.
ಬಂಟ್ವಾಳ ಮಂಚಿ ನಿವಾಸಿ ಮೊಹಮ್ಮದ್ ಜವ್ವಾರ್ (28) ಹಲ್ಲೆ ಮಲ್ದಿನ ಆರೋಪಿ.
ಇನಿ ಕಾಂಡೆ ಸುಮಾರ್ 8.45 ಗಂಟೆಗ್ ಪೊಣ್ಣು ಮೊಂತಿಮಾರ್ ಬಸ್ ಉಂತಡೆಡ್ ಕಾಲೇಜ್ಗ್ ಪೋಯೆರ ಬಸ್ಸ್ಗ್ ಕಾತೊಂದುಪ್ಪುನಗ ಅಡೆ ಬತ್ತಿನ ಆರೋಪಿ ಕತ್ತಿಡ್ ಪೊಣ್ಣನ ತರೆ ಬೊಕ್ಕ ಕೈಕ್ ಕಡ್ತ್ದೆ.
ಕೃತ್ಯ ಮಲ್ತಿ ಬೊಕ್ಕ ಆರೋಪಿ ಬಂಟ್ವಾಳ ಗ್ರಾಮಾಂತರ ಪೊಲೀಸ್ ಸ್ಟೇಶನ್ಗ್ ಬತ್ತ್ದ್ ಶರಣಾದಿತ್ತ್ದ್, ಪೊಣ್ಣಗ್ ದೇರಳಕಟ್ಟೆದ ಆಸ್ಪತ್ರೆಡ್ ಮರ್ದ್ ನಡತೊಂದುಂಡು. ಇತ್ತೆಗ್ ಪೊಣ್ಣು ಉಂಬರೊರ್ದು ಬಚಾವಾದಿತ್ತ್ದ್, ಆರೋಪಿನ ವಿಚಾರಣೆ ಮಲ್ತ್ದ್ ನನದ ಕಾನೂನುಕ್ರಮ ಗೆತೊನುವೆರ್.
ಜಾಗೆಗ್ ಬಂಟ್ವಾಳ ಗ್ರಾಮಾಂತರ ಪೊಲೀಸೆರ್ ಬತ್ತ್ದ್ ಪರಿಶೀಲನೆ ಮಲ್ತ್ದ್ ಪ್ರಕರಣ ದಾಕಲ್ತೊಂದೆರ್.