Last updated on July 3rd, 2026 at 03:05 pm
ಸುಳ್ಯ, ಜುಲೈ 03: ಪೇಂಟೆದ ಸರ್ಕಾರಿ ಆಸ್ಪತ್ರೆದ ಪಿರವುದ ಸಾದಿದ ನಡುಟೇ ಕರೆಂಟ್ ಕುಂದೊಲು ಇತ್ತಿಲೆಕನೆ ಅವೈಜ್ಞಾನಿಕವಾದ್ ಸುತ್ತ ಕಾಂಕ್ರೀಟ್ ಪಾಡ್ದ್ ರೋಡ್ ಮಲ್ತಿನಲ್ಪದ ಕರೆಂಟ್ ಕುಂದೊಲೆನ್ ಮೆಸ್ಕಾಂ ಅಧಿಕಾರಿಲು ಕಡೆಕ್ಲಾ ದೆಪ್ಪಾದೆರ್. ಸಾರ್ವಜನಿಕ ವಲಯೊಡು ಬಾರೀ ಆಕ್ಷೇಪ ತೋಜಿದ್ ಬತ್ತಿನ ಬೆರಿಟೇ ಮೆಸ್ಕಾಂ, ಕುಂದೊಲೆನ್ ಸಾದಿದ ನಡುರ್ದು ದೆತ್ತ್ದ್ ಬರಿಟ್ ಪಾಡ್ದ್ ಸುಗಮ ಸಂಚಾರೊಗು ಅನುಮಲ್ತ್ ಕೊರ್ತುಂಡು.
ಮುಲ್ಪದ ಸರ್ಕಾರಿ ಆಸ್ಪತ್ರೆದ ಪಿರವು ಮೆಯಿಟ್ ಇತ್ತಿನ ಲೇಔಟ್ ದಕುಲು, ಸಾದಿಬರಿತ ಕರೆಂಟ್ ಕುಂದೊಲು ಸಾದಿದ ಉಲಯೇ ಒರಿಪುಲೆಕ ಕಾಂಕ್ರೀಟ್ ಸಾದಿ ಮಲ್ತೊಂದೆರ್.
ಸಾದಿದ ನಡುಟೇ ಕರೆಂಟ್ ಕುಂದೊಲು ಇತ್ತಿನೆರ್ದಾವರ ಸಾರ್ವಜನಿಕೆರೆ ಗಾಡಿಲು ಪೋವರೆ ಬಾರೀ ಉಪದ್ರ ಆವೊಂದಿತ್ತ್ಂಡ್.
ಕಾರ್ಯಾಚರಣೆ ಮಲ್ತಿನ ಮಂಗಳೂರು ಎಲೆಕ್ಟ್ರಿಸಿಟಿ ಸಪ್ಲೈ ಕಂಪೆನಿ (MESCOM) ಸುಳ್ಯ ವಿಭಾಗೊದ ಅಧಿಕಾರಿಲು, ಕಾಂಕ್ರೀಟ್ ಸಾದಿದ ನಡುಟು ಇತ್ತಿನ ಕರೆಂಟ್ ಕುಂದೊಲೆನ್ ಮಾತೆನ್ಲ ದೆಪ್ಪಾದೆರ್. ಲೇಔಟ್ದ ಮಲ್ಲ ಕರೆಂಟ್ ಕುಂದೊನ್ಲಾ ಸಾದಿ ಬರಿಕ್ ಶಿಫ್ಟ್ ಮಲ್ತಿತ್ತ್ದ್, ಇತ್ತೆ ಗಾಡಿದಕುಲು ಮಾತ ಆರಾಮೊಡು ಸಾದಿಯೆ ಪೋಪುಲೆಕ ಆತ್ಂಡ್.