Last updated on July 5th, 2026 at 08:49 am
ಒಡಿಪು, ಜು. 05: ಮಲ್ಪೆದ ಉದ್ಯಮಿ ಸಂದೀಪ್ ಸಾಲಿಯಾನ್ ನಿಗೂಢವಾದ್ ತೀರ್ದಿನ ಪ್ರಕರಣೊಡು ಕ್ಯಾಸಿನೋಲೆಗ್ ಬರ್ಪಿನ ಉದ್ಯಮಿಲೆನೇ ಲೂಟುನ ಬೇಲೆ ಮಲ್ತೊಂದಿತ್ತಿನ ಕುಡ್ಲ ಮೂಲೊದ ಪೊಂಜೊವು ಒರ್ತಿನ್ ಗೋವಾ ಪೊಲೀಸೆರ್ ಕೈದ್ ಮಲ್ತ್ದೆರ್.
ಅಕ್ಷತಾ ಅಲಿಯಾಸ್ ಮಮತಾ ಅಲಿಯಾಸ್ ರೂಪಶ್ರೀ(36) ಕೈದಾತಿನ ಪೊಂಜೊವು.
ಮಲ್ಪೆಡ್ ವಾಟರ್ ಸ್ಪೋರ್ಟ್ಸ್ ಉದ್ಯಮ ನಡಪಾವೊಂದಿತ್ತಿನ ಸಂದೀಪ್ ಸಾಲಿಯಾನ್(41) ಜೂನ್ 30 ದಾನಿ ಗೋವಾ ಗ್ ಪೋದುಪ್ಪುನಗ ಲಾಡ್ಜ್ ಒಂಜೆಟ್ ನಿಗೂಢ ರೀತಿಡ್ ತೀರ್ದೆರ್. ಸುರುಕು ಹಾರ್ಟ್ ಅಟ್ಯಾಕ್ ಪನ್ದ್ ಎನ್ನ್ದಿತ್ತ್ಂಡಲಾ ಆರೆನ ಮೆಯಿಟ್ ಇತ್ತಿನ ಬಂಗಾರ್ ಮಾತಾ ತೋಜಂದಿನೆರ್ದಾವರ ಸಾವುದ ಬಗೆಟ್ ಸಂಶಯ ತೋಜಿದ್ ಬತ್ತಿತ್ತ್ಂಡ್.
ಗೋವಾ ಪೊಲೀಸೆರ್ ಸಿಸಿಟಿವಿ ತೂನಗ ಪೊಂಜೊವು ಒರ್ತಿ ಒಟ್ಟುಗು ಇತ್ತ್ದ್ ಲಾಡ್ಜ್ ರ್ದ್ ಪಿದಯಿ ಪೋತಿನ ತೋಜಿದ್ ಬೈದ್ಂಡ್. ಅಂಚಾದ್ ಗೋವಾ ಪೊಲೀಸೆರ್ ಆಲೆನ್ ಜುಲೈ 3ತಾನಿ ಶುಕ್ರವಾರ ರಾತ್ರೆ ಕುಡ್ಲ ಡ್ ಕೈದ್ ಮಲ್ತ್ದೆರ್.
ಬೆಂಗಳೂರ್ಡ್ ಬೇಲೆಡ್ ಉಲ್ಲೆ ಪನ್ದ್ ಪನೊಂದಿತ್ತಿನ ಮಮತಾ ಆಲೆನ ಪುದರ್ನ್ ಜಾಗೆಗ್ ತಕ್ಕ ಪಗತೊಂದಿತ್ತಲ್. ಬಲೆತ್ತಾನೊಡು ಕಾಸ್ದಕಲೆನ್ ಉಲಯಿ ಪಾಡೊಂದು, ಕ್ಯಾಸಿನೋಗ್ ಲೆತೊಂದು ಪೋದು ಲೂಟೊಂದಿತ್ತಲ್. ಇತ್ತೆ ಗೋವಾ ಪೊಲೀಸೆರ್ ಆಲೆನ ಮಿತ್ತ್ ಕೆರ್ತಿನ ಪ್ರಕರಣ ದಾಕಲ್ತೊಂದೆರ್.