Last updated on July 25th, 2026 at 08:50 am
ಬಂಟ್ವಾಳ, ಜು. 25: ತಾಲೂಕ್ದ ಮೊಡಂಕಾಪು ಡ್ ಇಪ್ಪುನ ಶ್ರೀ ಆದಿಶಕ್ತಿ ಅಂಬಿಕಾ ಅನ್ನಪೂರ್ಣೇಶ್ವರೀ ದೇಲಂತಡೆದ ಎದುರುದ ಬಾಕಿಲ್ದ ಬೀಗ ಪೊಲ್ತ್ದ್, ಪಿರಾಕ್ದ ಕಾಲೊದ ದೇಬೆರೆನ ಪೂಜೆದ ಸೊತ್ತುಲೆನ್ ಕನ್ಡ್ದಿನ ನಡಪು ಬೊಲ್ಪುಗು ಬೈದ್ಂಡ್.
ಕಲ್ವೆರ್ ದೇಲಂತಡೆಗ್ ಅಕ್ರಮವಾದ್ ಪೊಗ್ಗುದು ಬೊಲ್ಲಿದ ಸೊತ್ತುಲು, 1 ಕೊಪ್ಪರಿಗೆ, 10 ಸಾನಾದಿಗೆ, 10 ಪಿತ್ತಾಲೆದ ಗಿಂಡೆ, 5 ಪಿತ್ತಾಲೆದ ಹರಿವಾಣ, ಚೆಂಬುದ ಪಾತ್ರೆ, 2 ಚೆಂಬುದ ಕಡ್ಯ, 1 ಚೆಂಬುದ ಅಡ್ಯರ ಬೊಕ್ಕ ಕೆಲ ಸ್ಟೀಲ್ದ ಸೊತ್ತುಲೆನ್ ಲಕ್ಕಾದೆರ್. ಕನ್ಡ್ದ್ ಪೋತಿನ ಸೊತ್ತುಲೆನ ಒಟ್ಟು ಮೌಲ್ಯ ಸುಮಾರ್ ₹57,000 ಪನ್ದ್ ಅಂದಾಜಿ ಮಲ್ತ್ದೆರ್.
ಮೂವೆರ್ ಕಲ್ವೆರ್ ಗೋಣಿಡ್ ಸೊತ್ತುಲೆನ್ ದಿಂಜಾವೊಂದು ಕೊನೊಪುನ ದೃಶ್ಯ ದೇಲಂತಡೆದ ಸಿಸಿಟಿವಿಡ್ ಕೈದಾತ್ಂಡ್. ಈ ಬಗೆಟ್ ಸುನಿಲ್ ಕುಮಾರ್ ಕೆ.ಎನ್. ಪನ್ಪಿನಾರ್ ಬರೆಪಾದಿನ ಒಯಿಲ್ದ ಪ್ರಕಾರ ಬಂಟ್ವಾಳ ನಗರ ಪೊಲೀಸ್ ಸ್ಟೇಷನ್ಡ್ ಪ್ರಕರಣ ದಾಕಲಾದಿತ್ತ್ದ್, ಪೊಲೀಸೆರ್ ಜಡ್ತೆ ಮಲ್ತೊಂದುಲ್ಲೆರ್.