Last updated on July 20th, 2026 at 09:12 am
ಬಂಟ್ವಾಳ, ಜು. 20: ಸೂರಿಕುಮೇರ್ ಪೆಟ್ರೋಲ್ ಬಂಕ್ದ ಕೈತಲ್ ಒಂಜಿ ಕಾರ್ ಅಂಕೆ ತತ್ತ್ದ್ ಕಣಿಕ್ ಬೂರ್ದುಪ್ಪುನಗ, ಇಟ್ಟೆಲ್ ಪೊಲೀಸ್ ಸಬ್ ಇನ್ಸ್ಪೆಕ್ಟರ್ ರಾಮಕೃಷ್ಣೆ ಬೊಕ್ಕ ಆರೆನ ಸಿಬ್ಬಂದಿ ಒಂಜಿ ಬಾಲೆ ಸೇರ್ದ್ ಮೂವೆರೆನ್ ರಕ್ಷಣೆ ಮಲ್ತ್ದೆರ್.
ಕಾರ್ ಕಣಿಕ್ ಬೂರಿ ಬೊಕ್ಕ ಒಂಜಿ ಬಾಲೆ, ಪೊಂಜೊವು ಬೊಕ್ಕ ಡ್ರೈವರ್ ಕಾರ್ದುಲಯಿ ತಿಕ್ಕ್ದ್ ಬೂರ್ದಿತ್ತೆರ್. ಎಸ್ಐ ರಾಮಕೃಷ್ಣೆ ಮೇರ್ ಸಮಯಪ್ರಜ್ಞೆ ತೋಜಾದ್ ಬುಲ್ತೊಂದಿತ್ತಿನ ಕಿಞ್ಞ ಬಾಲೆನ್ ಆರೆನ ಕೈಟ್ ತಟೊಂದು ಸುರಕ್ಷಿತ ಜಾಗೆಗ್ ಲೆತೊಂದು ಪೋತಿನ ದೃಶ್ಯ ಕೈತಲ್ದ ಸಿಸಿ ಟಿವಿಡ್ ಕೈದಾದಿತ್ತ್ದ್, ಅವೆನ್ ತೂತಿನ ಸಾರ್ವಜನಿಕೆರ್ ಪೊಲೀಸ್ ಅಧಿಕಾರಿನ ಮಾನವೀಯತೆನ್ ಪುಗರ್ದೆರ್.
ತುರ್ತದ ರಕ್ಷಣಾ ಪುನೆಪುರ್ದಾವರ ಮೂವೆರ್ ಪ್ರಯಾಣಿಕೆರ್ ಕಿಞ್ಞ ಕಿಞ್ಞ ಗಡಿಕುಲಾದ್ ಬಚಾವಾತೆರ್ ಪನ್ದ್ ಅಲ್ಪ ತೂಯಿನಕುಲು ತೆರಿಪಾದೆರ್.
ಸಿಸಿಟಿವಿ ಫೂಟೇಜ್ ಇತ್ತೆ ಸಾಮಾಜಿಕ ಬಲೆತ್ತಾನೊಡು ವೈರಲ್ ಆವೊಂದಿತ್ತ್ದ್, ಇಂಚಿನ ಅಧಿಕಾರಿಲೇ ಪೊಲೀಸ್ ಇಲಾಖೆದ ಪೆರ್ಮೆ, ಪನ್ದ್ ಜನ ಪಾತೆರೊಂದುಲ್ಲೆರ್
ಎಸ್ಐ ರಾಮಕೃಷ್ಣೆ ಬೊಕ್ಕ ಸಿಬ್ಬಂದಿ ಕರಣಾಕರೆ ಮೊಕಲೆನ ಕರ್ತವ್ಯನಿಷ್ಠೆ, ಮಾನವೀಯತೆ ಬೊಕ್ಕ ತುರ್ತ ಕಾರ್ಯಾಚರಣೆನ್ ಸಾರ್ವಜನಿಕೆರ್ ಪುಗರೊಂದಲ್ಲೆರ್.