Last updated on July 8th, 2026 at 10:36 am
ಕೋಲ್ಕತ್ತಾ, ಜು. 08: ಪಶ್ಚಿಮ ಬಂಗಾಳೊದ ದಕ್ಷಿಣ 24 ಪರಗಣ ಜಿಲ್ಲೆದ ಬರುಯಿಪುರ್ ಪನ್ಪಿನಲ್ಪ ನಡತಿನ 12 ವರ್ಸ ಪ್ರಾಯೊದ ಪೊಣ್ಣು ಬಾಲೆದ ಅತ್ಯಾಚಾರ ಮಲ್ತ್ ಕೆರ್ತಿನ ಪ್ರಕರಣೊದ ಪ್ರಮುಖ ಆರೋಪಿ ಪ್ರಬಾಶ್ ಮಂಡಲ್ ಪೊಲೀಸೆರ್ ಎನ್ಕೌಂಟರ್ಡ್ ಸೈತ್ದೆ.
ನಡಪುದ ಪಿರಸೃಷ್ಟಿಗ್ ಪೊಲೀಸೆರ್ ಅಪರಾಧೊದ ಜಾಗೆಗ್ ಆರೋಪಿ ಪ್ರಬಾಶ್ ಮಂಡಲ್ ನ್ ಲೆತೊಂದು ಪೋನಗ ಆಯೆ ಪೊಲೀಸೆರೆ ಬೆಡಿನ್ ಒಯ್ತೊಂದು ಫೈರ್ ಮಲ್ತ್ದೆ ಪನ್ದ್ ಅಧಿಕಾರಿಲು ತೆರಿಪಾದೆರ್. ಮೊಂಡಲ್ ಪೊಲೀಸ್ ಸಿಬ್ಬಂದಿರ್ದ್ ರಿವಾಲ್ವರ್ ಒಯ್ತೊಂದು ಪೊಲೀಸೆರೆ ಮಿತ್ತ್ ಫೈರ್ ಮಲ್ತ್ದ್ ಪದ್ರಾಡಾಯೆರೆ ತೂತೆ. ಈ ಪೊರ್ತುಡು ಪೊಲೀಸೆರೆ ಪ್ರತಿದಾಳಿಡ್ ಆಯಗ್ ಗಡಿಕುಲಾತ. ಅಪಗನೇ ಆಯನ್ ಬರುಯಿಪುರ್ ಆಸ್ಪತ್ರೆಗ್ ಲೆತೊಂದು ಪೋತೆರ್. ಅಲ್ಪ ಆಯೆ ಸೈತ್ದೆ ಪನ್ದ್ ಡಾಕ್ಟರ್ ಘೋಷಣೆ ಮಲ್ತ್ದೆರ್.
ಜುಲೈ 4 ತಾನಿ ಬರುಯಿಪುರ್ ಪನ್ಪಿನಲ್ಪ 12 ವರ್ಸ ಪ್ರಾಯೊದ ಪೊಣ್ಣು ನಾಪತ್ತೆ ಆದಿತ್ತಲ್. ಒಂಜಿ ಗೋಣಿಚೀಲಡ್ ದಿಂಜಾದ್ ದೀದಿತ್ತಿನ ಆಲೆನ ಪುನ ಸುರ್ಜಯಪುರದ ಒಂಜಿ ಕೆರೆಟ್ ಐತಾರ ತಿಕ್ಕ್ದಿತ್ತ್ಂಡ್. ಇಂದೆನ್ ಖಂಡನೆ ಮಲ್ತ್ದ್ ಒರ್ಮೆಲಾ ಬಾರೀ ಪೊರ್ಮ್ಬಾಟ ನಡತಿತ್ತ್ಂಡ್.
ಬೊಕ್ಕ ಪ್ರಭಾಶ್ ಮೊಂಡಲ್ ಸೇರ್ದ್ ಮೂವೆರ್ ಆರೋಪಿಲೆನ್ ಕೈದ್ ಮಲ್ತಿತ್ತೆರ್. ಈ ಬಗೆಟ್ ಜಡ್ತೆಗ್ ಎಸ್.ಐ.ಟಿ. ಉಂಡು ಮಲ್ತ್ದೆರ್.
ಪೊಣ್ಣನ ಪುನ ತಿಕ್ಕಿನ ಒಂತೆ ಪೊರ್ತುಡೇ, ಉದ್ರಿಕ್ತೆರಾಯಿನ ಜನೊಕುಲೆ ಕೂಟ ಒರಿಯನ್ ಕೆರ್ತ್ಂಡ್. ಆಯನ್ ಇಂದ್ರಜಿತ್ ಮೊಂಡಲ್ ಪನ್ದ್ ಗುರ್ತ ಪತ್ತ್ದೆರ್.