Last updated on July 27th, 2026 at 08:07 am
ಇಟ್ಟೆಲ್, ಜು. 27: ಬಂಟ್ವಾಳ ತಾಲೂಕ್ದ ಇಡ್ಕಿದು ಗ್ರಾಮೊದ ನಿವಾಸಿಯೊರಿನ ಇಲ್ಲ ಜಾಲ್ಡ್ ಉಂತಾದಿತ್ತಿನ ಸ್ಕೂಟರ್ ಕನ್ಡ್ದ್ ಪೋತಿನ ಪ್ರಕರಣೊಗು ಸಂಬಂಧಿತ್ದ್, ಕನ್ಡ್ದ್ ಪೋದಿತ್ತಿನ ಆ ಸ್ಕೂಟರ್ ಬಿ.ಸಿ.ರೋಡ್ದ ಕೈತಲ್ ತಿಕ್ಕ್ದ್ಂಡ್.
ಇಡ್ಕಿದು ನಿವಾಸಿ ಆನಂದ ಸಪಲ್ಯ (53) ಮೇರ್ ಜುಲೈ 25 ತಾನಿ ಬಯ್ಯಡ್ ಆರೆನ ಇಲ್ಲ ಜಾಲ್ಡ್ KA-19-EY-6282 ರಿಜಿಸ್ಟ್ರೇಷನ್ದ ಸ್ಕೂಟರ್ನ್ ಉಂತಾದಿತ್ತೆರ್. ಮನದಾನಿ ಜುಲೈ 26 ತಾನಿ ಕಾಂಡೆ ತೂನಗ ಸ್ಕೂಟರ್ ಉಂತಾಯಿನಲ್ಪ ಇತ್ತಿಜಿ. ಸುತ್ತಮುತ್ತ ಒರ್ಮೆಲಾ ನಾಡ್ಂಡಲಾ ಗಾಡಿ ತಿಕ್ಕಂದಿನೆರ್ದಾವರ ಆರ್ ಇಟ್ಟೆಲ್ ಪೊಲೀಸ್ ಸ್ಟೇಶನ್ಡ್ ಒಯಿಲ್ ಬರೆಪಾದೆರ್.
ಒಯಿಲ್ದ ಆಧಾರೊಡು ಇಟ್ಟೆಲ್ ಪೊಲೀಸ್ ಸ್ಟೇಶನ್ಡ್ ಅಪರಾಧ ಸಂಖ್ಯೆ 162/2026 ಕಲಂ 303(2) BNS-2023 ದ ಪ್ರಕಾರ ಪ್ರಕರಣ ದಾಕಲ್ತೊಂದು ಜಡ್ತೆ ಸುರು ಮಲ್ತಿತ್ತೆರ್.
ಪ್ರಕರಣೊಗು ಸಂಬಂಧಿತ್ದ್ ಕನ್ಡ್ದ್ ಪೋದಿತ್ತಿನ ಅಂದಾಜಿ 30,000 ರೂ. ಮೌಲ್ಯದ ಸ್ಕೂಟರ್ ಬಿ.ಸಿ.ರೋಡ್ದ ಕೈತಲ್ ತಿಕ್ಕ್ದ್ಂಡ್. ಪ್ರಕರಣೊದ ಜಡ್ತೆನ್ ದುಂಬರಿತ್ದಿನ ಪೊಲೀಸೆರ್, ಈ ಬೇಲೆ ಮಲ್ದಿನ ಆರೋಪಿಲೆನ್ ಬೇಗೊಡೇ ನಾಡ್ಪತ್ತುನ ನಿರೀಕ್ಷೆ ಇತ್ತ್ದ್, ಜಡ್ತೆನ್ ನನಲಾತ್ ಜೋರು ಮಲ್ತ್ದೆರ್.