ಗಾನ ಕೋಗಿಲೆ ಎಸ್ ಜಾನಕಿ ನನ ನೆಂಪು ಮಾತ್ರ!!

Last updated on July 11th, 2026 at 10:02 pm

ಮೈಸೂರ್, ಜುಲೈ 11: ತೆನ್ಕಾಯಿ ಭಾರತೊದ ಗಾನ ಕೋಗಿಲೆ (ಕುಯಿಲ್) ಪನ್ದೇ ಪುದರಾದಿತ್ತಿನ ಪುಗರ್ತೆದ ಗಾಯಕಿ ಎಸ್.ಜಾನಕಿ ಇನಿ ತೀರ್ಯೆರ್. ಆರೆಗ್ 88 ರ್ಸ ಪ್ರಾಯ ಆದಿತ್ತ್ಂಡ್.

ತುಳು ಚಿತ್ರರಂಗೊದ ಎವರ್ ಗ್ರೀನ್ ಪದ, ಕೋಟಿ ಚೆನ್ನಯ ಪಿಚ್ಚರ್‌ದ ಮದಪೆರಾವಂದಿ ‘ಎಕ್ಕಸಕ ಎಕ್ಕಸಕ ಬತ್ತೆರಿತ್ತೆಗಾ..’ ಪದೊಕು ಸೊರ ಕೊರ್ತಿನಾರ್ ಉಂದೇ ಎಸ್. ಜಾನಕಿ.

ಉಸಾರ್ ತತ್ತ್‌ದ್ ಇತ್ತಿನೆರ್ದಾವರ ಆರೆನ್ ಮೈಸೂರ್‌ದ ಅಪೊಲೋ ಆಸ್ಪತ್ರೆಗ್ ದಾಕಲ್ತ್‌ದಿತ್ತೆರ್. ಆಂಡ ಮರ್ದ್ ಪಲಿಪಂದೆ ಆರ್ ತೀರ್ದೆರ್. ಹಾರ್ಟ್ ಅಟ್ಯಾಕ್‌‌ ಆದ್ ತೀರ್ದೆರ್ ಪನ್ದ್ ಮೂಲೊಲೆರ್ದ್ ತೆರಿದ್ ಬೈದ್ಂಡ್. ಮೈಸೂರ್‌ಡ್ ಇತ್ತಿನ ಎಸ್ ಜಾನಕಿ ಮೆರೆಗ್ ಇನಿ ಬಯ್ಯಡ್ ಒರರ್ದ್ ಒರಾನೆ ತಿಗಲೆ ಬೇನೆ ತೋಜಿದ್ ಬತ್ತಿತ್ತ್‌ದ್, ಆರೆನ್ ಆಸ್ಪತ್ರೆಗ್ ಲೆತೊಂದು ಪೋತೆರ್, ಆಂಡ ಆರ್ ಮರ್ದ್ ಪಲಿಪಂದೆ ತೀರ್ದೆರ್.