Last updated on July 7th, 2026 at 04:06 pm
ಬೋಲ್ತೇರ್ ಜು. 07: ಕಟ್ಪಾಡಿ ರ್ದ್ ಕನ್ಡ್ದ್ ಪೋತಿನ ಒಂಜಿ ರಿಕ್ಷಾ ಸೋಮಾರ ಬೋಲ್ತೇರ್ ಪೇಂಟೆದ ಮೂಜಿಮಾರ್ಗ ಡ್ ತಿಕ್ಕ್ದ್ಂಡ್. ಕಟ್ಪಾಡಿದ ಮೊಹಮ್ಮದ್ ಆಸಿಫ್ ಪನ್ಪಿನಾರೆಗ್ ಸೇರ್ದಿನ ರಿಕ್ಷಾ ನ್ ಐತಾರ ರಾತ್ರೆ ಕನ್ಡ್ದ್ ಸೋಮಾರ ಮೂಜಿಮಾರ್ಗ ದಲ್ಪ ಬುಡ್ದು ಪೋತೆರ್ಗೆ.
ಮುಲ್ಪದ ಹೋಟೆಲ್ದ ದನಿ ಒರಿ, ಉಂತಾದಿತ್ತಿನ ಗುರ್ತದಾಂತಿನ ರಿಕ್ಷಾನ್ ತೂದು ಬೋಲ್ತೇರ್ ಟ್ರಾಫಿಕ್ ಪೊಲೀಸೆರೆಗ್ ಒಲವು ಕೊರ್ತೆರ್. ಪೊಲೀಸೆರ್ ಆ್ಯಪ್ಡ್ ರಿಕ್ಷಾದ ರಿಜಿಸ್ಟ್ರೇಷನ್ ನಂಬರ್ ತೂನಗ ಅವು ಕಟ್ಪಾಡಿದ ಮೊಹಮ್ಮದ್ ಆಸಿಫ್ಗ್ ಸೇರ್ದಿನವು ಪನ್ದ್ ತೆರಿದ್ ಬೈದ್ಂಡ್. ಬೊಕ್ಕ ಆರೆನ್ ಸಂಪರ್ಕ ಮಲ್ತ್ದ್ ಬೋಲ್ತೇರ್ಗ್ ಲೆಪ್ಪುಡಾದ್ ರಿಕ್ಷಾನ್ ಪಿರ ಕೊರ್ತೆರ್.
ವರದಿಲೆನ ಪ್ರಕಾರ, ರಿಕ್ಷಾದ ದನಿ ಐತಾರ ಬಯ್ಯಡ್ ಆರೆನ ಇಲ್ಲದಕಲೆನ ಒಟ್ಟುಗು ಬೀಚ್ಗ್ ಪೋದಿತ್ತೆರ್. ಇಲ್ಲಗ್ ಪಿರ ಬತ್ತಿ ಬೊಕ್ಕ, ಆರ್ ಗೋಸ್ಮರಿಡ್ ಕೀ ನ್ ರಿಕ್ಷಾದ ಉಲಯಿ ಬುಡ್ದು ಪೋದಿತ್ತೆರ್. ಕಲ್ವೆ ಗಾಡಿಡೇ ಇತ್ತಿನ ಕೀ ನ್ ಗಲಸೊಂದು ಸುಲಭೊಡು ಕನ್ಡೊನ್ದು ಪೋತೆ ಪನ್ದ್ ತೋಜಿದ್ ಬರೊಂದುಂಡು.
ರಿಕ್ಷಾ ಗ್ಯಾಸ್ ಡ್ ಬಲಿತೊಂದಿತ್ತ್ಂಡ್ ಬೊಕ್ಕ ಬೋಲ್ತೇರ್ ಎತ್ತಿ ಬೊಕ್ಕ ಗ್ಯಾಸ್ ಕಾಲಿ ಆವೊಂದು ಬತ್ತ್ದ್ಂಡ್ ಪನ್ದ್ ವರದಿ ಆತ್ಂಡ್. ಕಲ್ವೆ ಗಾಡಿನ್ ಬುಡ್ದು ಬಲ್ತ್ ಪೋತೆ. ಪೊಲೀಸೆರೆಗ್ ರಿಕ್ಷಾದ ಉಲಯಿ ಡೀಸೆಲ್ ಕ್ಯಾನ್ ಬೊಕ್ಕ ಬೀಗ ತಿಕ್ಕ್ದ್ಂಡ್.