Last updated on July 13th, 2026 at 10:26 am
ಹೈದರಾಬಾದ್, ಜು. 13: ತಿರುಪತಿದ ಸಾಂಪ್ರದಾಯಿಕ ಕಲಾ ಸಂರಕ್ಷಣಾ ಸಂಸ್ಥೆ ಮುಕುಲೆನ ಮಹಾತ್ಮ ಜ್ಯೋತಿಬಾ ಫುಲೆ ಪ್ರಶಸ್ತಿ ಪ್ರದಾನ ಲೇಸ್ ಆಂಧ್ರಪ್ರದೇಶದ ಪಲಮನೆರ್ ಲಯನ್ಸ್ ಸೇವಾ ಕೇಂದ್ರಡ್ ಜುಲೈ 12 ತಾನಿ ಸಂಸ್ಥೆದ ಗುರ್ಕಾರೆ ಶ್ರೀ ಪೊಸಲ ರವಿ ಮೆರೆನ ಗುರ್ಕಾರ್ಮೆಡ್ ನಡತ್ಂಡ್.
ಈ ಲೇಸ್ಡ್ ತೆನ್ಕಾಯಿ ಭಾರತೊದ ಕರ್ನಾಟಕ, ಆಂಧ್ರಪ್ರದೇಶ, ತಮಿಳ್ನಾಡ್, ಕೇರಳ ರಾಜ್ಯೊಲೆರ್ದ್ 40ಡ್ದ್ ಜಾಸ್ತಿ ಕಲಾವಿದೆರೆಗ್ ಪ್ರಶಸ್ತಿ ಪ್ರದಾನ ಮಲ್ತೆರ್.
ಕಾಂಡೆದ ಪೂಜೆ, ಉದಿಪನದ ಲೇಸ್ ಆಯಿಬೊಕ್ಕ ಪ್ರಶಸ್ತಿ ಪುರಸ್ಕೃತೆರೆನ ಪಾದ ಪೂಜೆನ್ ಶ್ರೀ ಮಡವಳ್ಳಿ ಚಿರಂಜೀವಿ ದಂಪತಿಲು ಮಂತೆರ್. ಪಾಕ ಜನ ಕಬಿಕುಲು ಅಕ್ಲೆನ ಪದ್ಯೊಲೆನ್ ಪಂಡೆರ್, ಬೊಕ್ಕ ಬೇತೆ ಬೇತೆ ಕ್ಷೇತ್ರೊಡು ಸಾದಗೊ ಬೆನ್ತಿನ ಕಲಾವಿದೆರ್ ಅಕ್ಲೆನ ಕಲಾತ್ಮಕ ಶಕ್ತಿನ್ ತೂಪಾಯೆರ್. ಈ ಲೇಸ್ಡ್ ಕೇರಳರ್ದ್ ತುಳು ಸಾಹಿತಿ ಶ್ರೀಮತಿ ಕುಶಾಲಾಕ್ಷಿ ವಿ.ಕುಲಾಲ್ ಕಣ್ವತೀರ್ಥ ಮೇರ್ ಈ ಪ್ರಶಸ್ತಿ ಪಡೆಯೊಂಡೆರ್.
