Last updated on July 18th, 2026 at 11:31 am
ಪುತ್ತೂರ್, ಜು.18: ವಿಷ ತಿನ್ದ್ದ್ ಆತ್ಮಹತ್ಯೆ ಮಲ್ತೊನರೆ ತೂದು, ಕರಿನ 27 ದಿನೊರ್ದು ಸಾವು ಬದ್ಕ್ದ ನಡುಟು ಪೊರ್ಮ್ಬೊಂದಿತ್ತಿನ ಜವನ್ದಿ ಒರ್ತಿ ಜು.17ರಂದು ತೀರ್ದಿನ ನಡಪು ಬೆಟ್ಟಂಪಾಡಿ ಗ್ರಾಮೊದ ಮಿತ್ತಡ್ಕಡ್ ನಡತ್ದ್ಂಡ್.
ಬೆಟ್ಟಂಪಾಡಿ ಗ್ರಾಮೊದ ಮಿತ್ತಡ್ಕದ ಕರಿದ್ ಪೋತಿನ ಹೆಗ್ಗಡೇಶ ಗೌಡ್ರೆನ ಮಗಲ್ ಪ್ರಜ್ಞಾ (26) ತೀರ್ದಿನಾಲ್.
ಆರೋಗ್ಯ ಇಲಾಖೆಡ್ ಬಡಗನ್ನೂರು ಗ್ರಾ.ಪಂ ಸೀಮೆದ ಸಮುದಾಯ ಆರೋಗ್ಯಾಧಿಕಾರಿ ಆದಿತ್ತಿನ ಪ್ರಜ್ಞಾ ಮೇರ್ ಜೂ.21 ತಾನಿ ಇಲ್ಲಡ್ ವಿಷ ತಿನ್ದ್ದ್ ಜೂವ ಗೆತ್ತೊನರೆ ತೂದಿತ್ತೆರ್. ಅಪಗನೇ ಆರೆನ್ ಕುಡ್ಲದ ಪ್ರೈವೇಟ್ ಆಸ್ಪತ್ರೆಗ್ ದಾಕಲ್ತ್ದಿತ್ತೆರ್. ಅಲ್ಪ ಕರಿನ 27 ದಿನೊರ್ದಿಂಚಿ ಸಾವು ಬದ್ಕ್ದ ನಡುಟು ಪೊರ್ಮ್ಬೊಂದಿತ್ತಿನ ಆರ್ ಮರ್ದ್ ಪಲಿಪಂದೆ ಜು.17 ದಾನಿ ಬಯ್ಯಡ್ ತೀರ್ದೆರ್ ಪನ್ದ್ ತೆರಿದ್ ಬೈದ್ಂಡ್. ಆತ್ಮಹತ್ಯೆಗ್ ಪತ್ತ ನೆವನ ತೆರಿದ್ ಬೈದಿಜಿ. ಸಂಪ್ಯ ಸ್ಟೇಶನ್ಡ್ ಪ್ರಕರಣ ದಾಕಲಾತ್ಂಡ್. ಮೇರ್ ಅಪ್ಪೆ ಬೇಬಿ, ಒಪ್ಪಪುಟ್ಟಿನ ದೀಕ್ಷಾ ನ್ ಆಗತ್ದೆರ್.