Last updated on August 25th, 2026 at 10:21 am
ಕುಡ್ಲ, ಆ. 25: ಅಪ್ರಾಪ್ತ ಪ್ರಾಯೊದ ಪೊಣ್ಣಗ್ ಲೈಂಗಿಕ ಕಿರುಕುಳ ಕೊರ್ತಿನ ಆರೋಪಡ್ ಆರೋಪಿನ ಮಿತ್ತ್ ಪೋಕ್ಸೊ ಕಾಯ್ದೆದ ಅಡಿಟ್ ಪ್ರಕರಣ ದಾಕಲಾತ್ಂಡ್.
ಆ. 23 ತ ರಾತ್ರೆ, ಪ್ರಕರಣೊದ ಸಂತ್ರಸ್ತೆದಿ ಪೊಣ್ಣನ್ ಒಂಜಿ ಲೇಸ್ದಲ್ಪರ್ದ್ ಆಲೆನ್ ಇಲ್ಲಗ್ ಬುಡ್ಪುನ ನೆವನೊಡು, ಆರೋಪಿ ಅದ್ದು ಪಡೀಲ್ ಪನ್ಪಿನಾಯೆ ತನ್ನ ಟೂವೀಲರ್ ಗಾಡಿಡ್ ಲೆತೊಂದು ಪೋತೆಗೆ. ಈ ಪೊರ್ತುಡು ಸಾದಿ ನಡುಟು ಅಪ್ರಾಪ್ತ ಪೊಣ್ಣಗ್ ಆರೋಪಿ ಲೈಂಗಿಕ ಕಿರುಕುಳ ಕೊರ್ತೆ ಪನ್ದ್ ಆರೋಪ ಕೇನ್ದ್ ಬೈದ್ಂಡ್.
ಈ ಬಗೆಟ್ ಸಂತ್ರಸ್ತೆದಿ ಪೊಣ್ಣನ ಅಪ್ಪೆ ಬರೆಪಾದಿನ ಒಯಿಲ್ದ ಪ್ರಕಾರ ದ.ಕ ಮಹಿಳಾ ಪೊಲೀಸ್ ಸ್ಟೇಷನ್ಡ್ ಅ.ಕ್ರ: 46/2026, ಕಲಂ: 75, ಬಿಎನ್ಎಸ್ 2023 ಬೊಕ್ಕ ಕಲಂ 8, 12 ಪೋಕ್ಸೊ ಕಾಯ್ದೆದ ಅಡಿಟ್ ಪ್ರಕರಣ ದಾಕಲ್ತೊಂದು, ಜಡ್ತೆ ಮಲ್ತೊಂದುಲ್ಲೆರ್.