ತುಳು ಕಲ್ಚರಲ್ ರಿಸರ್ಚ್ ಫೌಂಡೇಶನ್‌ದ ತುಳು ಕಬಿತೆ ಪಂತೊದ ಫಲಿತಾಂಶ ಪ್ರಕಟ: ಸುರುತ ಇನಾಮು ಶ್ರೀಶಾವಾಸವಿ ಮೆರೆಗ್; ಉಮೇಶ ಆಚಾರ್ಯೆರೆಗ್ ರಡ್ಡನೇ ಇನಾಮು

Last updated on August 20th, 2026 at 04:29 pm

ಮುಲ್ಕಿ, ಆ. 20: ತುಳು ಕಲ್ಚರಲ್ ರಿಸರ್ಚ್ ಫೌಂಡೇಶನ್ (ರಿ.) ದ ಮುತಾಲಿಕೆಡ್ ಆಗಸ್ಟ್ 23 ತಾನಿ ಮುಲ್ಕಿದ ಸರಕಾರಿ ಪದವಿ ಪೂರ್ವ ಕಾಲೇಜ್‌ಡ್ ನಡಪುನ ತುಳುವ ಜವನೆರೆ ಆಯನೊ ತುಳುನಾಡ್ ಕಾನ್‌ಕ್ಲೇವ್ 2026 ದ ಪೂರ್ವಭಾವಿಯಾದ್ ನಡತಿನ ತುಳು ಕಬಿತೆ ಪಂಥೊದ ಫಲಿತಾಂಶ ಪ್ರಕಟ ಆತ್ಂಡ್.

ಈ ತುಳು ಕಬಿತೆ ಪಂಥೊಡು ಶ್ರೀಶಾವಾಸವಿ ತುಳುನಾಡ್ ಮೇರ್ ಸುರುತ ಇನಾಮು ಗೆಂದ್‌ದೆರ್ ಅಂಚೆನೇ ಒಡಿಪುದ ಉಮೇಶ್ ಆಚಾರ್ಯ ಮೇರ್ ರಡ್ಡನೇ ಇನಾಮು ಗೆಂದ್‌ದೆರ್. ರಡ್ಡ್ ಇನಾಮು ಅತ್ತಂದೇ ಫೌಂಡೇಶನ್ ಬತ್ತಿನ ಕಬಿತೆಲೆಡ್ ಅಜತ್‌ದ್ 10 ಕಬಿಕ್ಲೆನಗ್ ಕಬಿತೆದ ಬಿರ್ಸೆರ್ ಪನ್ದ್ ಪುದರ್ ಕೊರ್ತೆರ್.


ಕಬಿತೆದ ಬಿರ್ಸೆರ್ :
ಕುಶಾಲಾಕ್ಷಿ ವಿ.ಕಣ್ವತೀರ್ಥ
ಶ್ವೇತಾ ಡಿ ಬಡಗಬೆಳ್ಳೂರು
ಪದ್ಮನಾಭ ಮಿಜಾರ್
ಪಾಂಗಾಳ ಬಾಬು ಕೊರಗ
ಶಂಕರ್ ಪಡಂಗ ಕಿಲ್ಪಾಡಿ
ಹನಿಬಿಂದು
ಚಿತ್ತರಂಜನ್ ಶೆಟ್ಟಿ
ಹಂಸರಾಗ ಶೆಟ್ಟಿ ಗೋಳಿತೊಟ್ಟು
ಸುಪ್ರಿತಾ ಸಿ.ಎಚ್
ವಿಶ್ವನಾಥ ಕುಲಾಲ್ ಮಿತ್ತೂರು

“ಎಂಕ್ಲೆಗ್ ಬತ್ತಿನ ಸುಮಾರ್ 70ರ್ದ್ ಮಿತ್ತ್‌ದ ಕಬಿತೆಲೆಡ್ ರಡ್ಡ್ ಕಬಿತೆಲೆನ್ ಇನಾಮುಗು ಅಜತ್‌ದ. ಅಂಚೆನೇ ಕಬಿತೆದ ಗುಣಮಟ್ಟ ತೂದು 10 ಜನ ಕಬಿಕ್ಲೆನ್ ಕಬಿತೆದ ಬಿರ್ಸೆರ್ ಪನ್ದ್ ಅಜತ್‌ದ. ಈ ಪಂಥೊದ ಇನಾಮುನು ಬರ್ಪಿ ಐತಾರ, ಆಗಸ್ಟ್ 23 ತಾನಿ ನಡಪುನ ತುಳುನಾಡ್ ಕಾನ್‌ಕ್ಲೇವ್ ಲೇಸ್‌ಡ್ ಕೊರ್ಪ ಪನ್ದ್ ತುಳು ಕಲ್ಚರಲ್ ರಿಸರ್ಚ್ ಫೌಂಡೇಶನ್‌ದ ಸ್ಥಾಪಕೆರ್ ಅಂಚೆನೇ ತುಳು ಕಬಿತೆ ಪಂಥೊದ ಸಂಯೋಜಕೆರ್ ಮಹಿ ಮುಲ್ಕಿ ಪನ್ಡೆರ್.