Last updated on September 8th, 2026 at 12:31 pm
ಇಟ್ಟೆಲ್, ಸೆ 08: 12 ವರ್ಸ ಪ್ರಾಯೊದ ಅಪ್ರಾಪ್ತ ಆಣಗ್ ತೊಡು ತೋಜಾದ್ ಪ್ರತ್ಯೇಕವಾದ್ ಬೆರಿಬೆರಿ ಲೈಂಗಿಕ ದೌರ್ಜನ್ಯ ಮಲ್ದಿನ ಗಾತಿದ ಪ್ರಕರಣೊಗು ಸಂಬಂಧಿತ್ದ್ ಮೂವೆರ್ ಆರೋಪಿಲೆನ್ ಇಟ್ಟೆಲ್ ಸ್ಟೇಶನ್ ಪೊಲೀಸೆರ್ ಕೈದ್ ಮಲ್ತ್ದೆರ್.
ಕೊಳ್ನಾಡ್ ಗ್ರಾಮೊದ ಕಾಡುಮಠ ಅಳ್ಳಿಕಂಡೆ ನಿವಾಸಿ ಜಾವಾದ್ (32) s/o ಅಬ್ದುಲ್ ಖಾದರ್ (ಅ.ಕ್ರ 185/2026), ಸಾಲೆತ್ತೂರು ಕಟ್ಟೆ ಕಾಲೋನಿ ನಿವಾಸಿ ಸಾಹಿದ್ (32) s/o ಹಮೀದ್ (ಅ.ಕ್ರ 187/2026) ಬೊಕ್ಕ ಸಾಲೆತ್ತೂರು ಕಟ್ಟೆ ನಿವಾಸಿ ರಿಯಾರ್ಝ್ ಅಲಿಯಾಸ್ ಅಬ್ದುಲ್ ಗಫೂರ್ (42) s/o ಸುಲೈಮಾನ್ (ಅ.ಕ್ರ 188/2026) ಕೈದಾತಿನ ಆರೋಪಿಲು.
ನಡಪುದ ಒಲವು:
ಆಣಗ್ ಆಮಿಷ ತೋಜಾದ್ ಜನದಾಂತಿ ಜಾಗೆಗ್ ಲೆತೊಂದು ಪೋದು 15ರ್ದ್ಲಾ ಎಚ್ಚ ಜನೊಕುಲು ಒರಿಯೊರಿಯೇ ಲೈಂಗಿಕ ದೌರ್ಜನ್ಯ ಮಲ್ತ್ದೆರ್ಗೆ. ಆಣ್ ಅಸ್ವಸ್ಥೆ ಆದ್ ಆಯನ ನಡಕೆಡ್ ವ್ಯತ್ಯಾಸ ತೋಜಿದ್ ಬತ್ತಿನೇ ಅಪ್ಪೆಅಮ್ಮೆ ವಿಚಾರಣೆ ಮಲ್ತಿತ್ತ್ದ್, ಈ ಪೊರ್ತುಡು ಕೃತ್ಯ ತೆರಿದ್ ಬೈದ್ಂಡ್. ಅಪಗನೇ ಅಪ್ಪೆಅಮ್ಮೆ ಜೋಕುಲೆನ ಸಹಾಯವಾಣಿ (1098) ಸಂಪರ್ಕ ಮಲ್ತ್ದ್ ಒಯಿಲ್ ಬರೆಪಾದೆರ್.
ಜೋಕುಲೆನ ಕಲ್ಯಾಣ ಸಮಿತಿ (CWC) ಅಧಿಕಾರಿಲು ಆಣನ ಪಾತೆರ ದಾಕಲ್ತೊಂದು ಕೊರ್ತಿನ ನಿರ್ದೇಶನೊದ ಪ್ರಕಾರ ವಿಟ್ಲ ಪೊಲೀಸ್ ಸ್ಟೇಶನ್ಡ್ ಪೋಕ್ಸೊ (POCSO) ಕಾಯ್ದೆದ ಅಡಿಟ್ ಬೇತೆ ಬೇತೆ ಎಫ್ಐಆರ್ಲೆನ್ ದಾಕಲ್ತೊಂದೆರ್.
ಪ್ರಕರಣ ದಾಕಲಾವೊಂದಿತ್ತಿಲೆಕನೆ ಆರೋಪಿಲು ಮೊಬೈಲ್ ಸ್ವಿಚ್ ಆಫ್ ಮಲ್ತ್ದ್ ದೆಂಗ್ತಪ್ಪಾದಿತ್ತೆರ್. ಪತ್ತ ಒಲವು ಇತ್ತ್ದ್ ಕಾರ್ಯಾಚರಣೆ ಮಲ್ತಿನ ಪೊಲೀಸೆರ್ ಮೂವೆರೆನ್ ಕೈದ್ ಮಲ್ತ್ದೆರ್. ದೆಂಗ್ತಪ್ಪಾದಿನ ಒರಿನ 12 ರ್ದ್ ಎಚ್ಚ ಆರೋಪಿಲೆನ್ ಪತ್ತೆರೆ ಪೊಲೀಸೆರ್ ಬೇಪು ಪಾಡ್ದೆರ್. ಸಂತ್ರಸ್ತೆ ಆಣನ್ ವೈದ್ಯಕೀಯ ತಪಾಸಣೆಗ್ ಕಡಪುಡ್ದಿತ್ತ್ದ್, ಬೋಡಾಪಿನ ಕಾನೂನು ಕ್ರಮ ಗೆತೊನೊಂದುಲ್ಲೆರ್.
ಇಟ್ಟೆಲ್ ಸ್ಟೇಶನ್ ಸೀಮೆದ ನಿವಾಸಿ ಬೊಕ್ಕ ಪ್ರಕರಣೊದ ಪಿರ್ಯಾದಿ ಆಯಿನ ಸಂತ್ರಸ್ಥೆ ಆಣನ ಒಯಿಲ್ದ ಪ್ರಕಾರ, ಈ ಆಣಗ್ 2026 ನೇ ಫೆಬ್ರವರಿ ತಿಂಗೊಲುರ್ದ್ ಅಗಸ್ಟ್ ತಿಂಗೊಲು ಮುಟ್ಟ ಆರೋಪಿಲಾಯಿನ ಜವಾದ್, ಶಾಹಿದ್, ರಿಯಾಝ್ @ ಅಬ್ದುಲ್ ಗಫೂರ್ ಬೊಕ್ಕ ಬೇತೆ ಜನೊಕುಲು ಲೈಂಗಿಕ ದೌರ್ಜನ್ಯ ಮಲ್ತ್ದೆರ್ ಪನ್ದ್ ತೇದಿ:04-09-2026 ತಾನಿ ಒಯಿಲ್ ಬರೆಪಾದಿತ್ತ್ದ್, ಈ ಒಯಿಲ್ದ ಆಧಾರೊಡು ಇಟ್ಟೆಲ್ ಪೊಲೀಸ್ ಸ್ಟೇಶನ್ಡ್ ಅ.ಕ್ರ: 185/2026, 186/2026, 187/2026, 188/2026, 189/2026 ಬೊಕ್ಕ 190/2026, ಕಲಂ: 4(2), 5(m), 6, 8 ಪೋಕ್ಸೋ ಕಾಯ್ದೆ 2012 ಕಾಯ್ದೆದ ಅಡಿಟ್ ಪ್ರಕರಣ ದಾಕಲಾತ್ಂಡ್.
ಈ ಪ್ರಕರಣೊಲೆನ ಜಡ್ತೆ ನಡತೊಂದಿತ್ತ್ದ್, ಆರೋಪಿಲೆಡ್ ಜವಾದ್, ಶಹೀದ್ ಬೊಕ್ಕ ರಿಯಾಝ್ @ ಅಬ್ದುಲ್ ಗಫೂರ್ ಪನ್ಪಿನಕಲೆನ್ ದಸ್ತಗಿರಿ ಮಲ್ತ್ದ್ ನ್ಯಾಯಂತಡೆದ ಎದುರು ಲೆತೊಂದು ಪೋದಿತ್ತ್ದ್, ನ್ಯಾಯಂತಡೆ ಆರೋಪಿಲೆಗ್ ನ್ಯಾಯಾಂಗ ಕೈದ್ ಕೊರ್ತುಂಡು.