ಸುದೆ ತಿರ್ಗಾವುನೆನ್ ವಿರೋಧ ಮಲ್ತ್‌ದ್ ಸಿಎಂ, ಪ್ರಧಾನಿ ಮೋದಿಗ್ ಓಲೆ ಬರೆಯಿನ ಶಿರಸಿದ ಶಾಲೆದ ಜೋಕುಲು

Last updated on October 31st, 2026 at 05:50 pm

ಶಿರಸಿ, ಅಕ್ಟೋಬರ್ 31: ಉತ್ತರ ಕನ್ನಡ ಜಿಲ್ಲೆದ ಶಿರಸಿಡ್ ಇನಿ ಬೈರಂಬೇ ಪ್ರೌಢಶಾಲೆದ ಜೋಕುಲು ಸ್ವಯಂ ಪ್ರೇರಣೆಡ್ ಉತ್ತರ ಕನ್ನಡ ಜಿಲ್ಲೆದ ಬೇಡ್ತಿ ಸುದೆ ತಿರ್ಗಾವುನ ಯೋಜನೆನ್ ವಿರೋಧ ಮಲ್ತ್‌ದ್ ಓಲೆ ಬರೆಪುನ ಚಳುವಳಿ ಸುರು ಮಲ್ತ್‌ದೆರ್. ಜೋಕುಲು ಸುಮಾರ್ 200 ರ್ದ್‌ಲಾ ಎಚ್ಚ ಓಲೆಲೆನ್ ಟಪಾಲ್(ಪೋಸ್ಟ್) ಮುಕೇನ ಕಡಪುಡ್ದೆರ್.

ರಾಜ್ಯೊದ ಮುಖ್ಯಮಂತ್ರಿ ಬೊಕ್ಕ ರಾಜ್ಯೊದ ಮುಖ್ಯ ಕಾರ್ಯದರ್ಶಿ ಶಾಲಿನಿ ರಜನೀಶ್ ಮೆರೆಗ್ ಕನ್ನಡೊಡು ಓಲೆ ಬರೆದ್ ಕಡಪುಡ್ದೆರ್. ಪ್ರಧಾನ ಮಂತ್ರಿ ನರೇಂದ್ರ ಮೋದಿಯೆರೆಗ್ ಹಿಂದಿ ಬೊಕ್ಕ ಇಂಗ್ಲಿಷ್ ಭಾಷೆಡ್ ಬೇಡ್ತಿ ಸುದೆ ತಿರ್ಗಾವುನ ಯೋಜನೆನ್ ವಿರೋಧ ಮಲ್ತ್‌ದ್ ಓಲೆ ಬರೆತೆರ್. ಇಂದೆಕ್ ಭಾರತೀಯ ಕಿಸಾನ್ ಸಂಘೊದ ಸಂಚಾಲಕೆ ನರಸಿಂಹಮೂರ್ತಿ ಸಕಾಯ ಮಲ್ತೆರ್.

Sude Tirgaavunen Virodh Malt’d CM, Pradhaani Modig Oole Bareyina Shirasida Shaale’d Jokkulu

Shirasi, October 31: Uttara Kannada jille’d Shirasid Inni Bairambe Praudha Shaale’d jokkulu swayam preraned Uttara Kannada jille’d Bedti sude tirgaavuna yojaneyn virodh malt’d oole barepuna chalavalen suru malt’der. Jokkulu sumaaru 200rd’la eccha oolelen tapal (post) mukhena kadapud’der.

Rajyoda Mukhyamantri bokka Rajyoda Mukhy Karyadarshi Shalini Rajneesh mereg Kannada’du oole baredu kadapud’der. Pradhaani Narendra Modiyereg Hindi bokka English bhaashed Bedti sude tirgaavuna yojaneyn virodh malt’d oole bareter. Indek Bharatiya Kisan Sanghada Sanchalaka Narasimhamurthy sahaya malter.