Last updated on August 5th, 2024 at 04:51 pm
ಇನಿ (ಆಗಸ್ಟ್ 5) ತ ಕಾಂಡೆ ಶಿರ್ವರ್ದ್ ಒಡಿಪುಗು ನವೀನ್ ಬಸ್‌ಡ್ ಬರೊಂದಿತ್ತಿನ ಜವನ್ದಿ ಒರ್ತಿ ಒಡಿಪುದ ಪರ ತಾಲ್ಲೂಕ್ ಕಚೇರಿದಡೆ ಎತ್ತಿಲೆಕನೆ ಬಸ್‌ಡೇ ಉಸಾರ್ ತತ್ತ್‌ದ್ ಕಕ್ಕೆರೆ ಪತ್ತ್‌ದೆರ್. ಇಸಯ ತೆರಿನ್ನೇ ನವೀನ್ ಬಸ್‌ದ ಡ್ರೈವರ್ ಶಶಿಕಾಂತ್, ಕಂಡಕ್ಟೂ ಸಲೀಂ ಬಸ್‌ನ್ ಅಪಗನೇ ಟಿಎಂಎ ಪೈ ಆಸ್ಪತ್ರೆಗ್ ತಿರ್ಗಾದ್ ಜವನ್ದಿನ್ ಆಸ್ಪತ್ರೆಗ್ ದಾಕಲ್ತ್‌ದ್, ಇಲ್ಲದಕ್ಲೆಗ್ ಒಲವು ಕೊರ್ದು ಇಲ್ಲದಕುಲು ಬರ್ಪುನೇಟ ಪೊಣ್ಣನ ಒಟ್ಟುಗು ಇತ್ತ್‌ದ್ ಮರ್ದ್ ಮಲ್ತ್‌ದೆರ್‌.
ಇಂಚಿಪ ಕುಡ್ಲಡ್ ಬಸ್‌ಡ್ ತಿಗಲೆಬೇನೆದ ತೋಜಿದ್ ಬತ್ತಿನಾರೆನ ಜೂವ ಒರಿಪೆರೆ 6 ಕಿ.ಮೀ ದೊರೊನು 6 ನಿಮಿಷೊಡು ಎತ್ತ್‌ದ್ ಸುದ್ದಿ ಆದಿತ್ತಿನ ನಡಕೆದ ಲೆಕನೇ ಇತ್ತೆ ಒಡಿಪುಡ್ಲಾ ನಡತ್‌ದ್ಂಡ್.
ತುಳುನಾಡ ಪ್ರೈವೇಟ್ ಬಸ್‌ದ ಸಿಬ್ಬಂದಿಲು ತನ್ಕುಲೆ ಪ್ರಯಾಣಿಕೆರೆ ಜೂವ ಒರಿಪೆರೆ ಏಪೊಲ ದುಂಬು ಪಿರ ತೂಪುಜೆರ್ ಪಂದ್ ಗಡಿ ಗಡಿ ತೋಜಾದ್ ಕೊರೊಂದುಲ್ಲೆರ್.