Last updated on September 2nd, 2024 at 01:45 pm
ಪುತ್ತೂರು: ಪೊಂಜೊವು ಒರ್ತಿನ ಮಿತ್ತ್ ಲೈಂಗಿಕ ದೌರ್ಜನ್ಯ, ನಂಬಿಕೆ ದ್ರೋಹ, ಕೆರ್ಪುನ ಬೆದರಿಕೆ ಬಗೆಟ್ ಪುತ್ತೂರು ಮಹಿಳಾ ಪೊಲೀಸ್ ಸ್ಟೇಶನ್‌ಡ್ ದಾಕಲಾದಿತಿನ ಪ್ರಕರಣೊಗು ಸಂಬಂಧಿತ್‌ದ್ ಅರುಣ್ ಕುಮಾರ್ ಪುತ್ತಿಲ ಮೆರೆಗ್ ಪುತ್ತೂರುದ ಪ್ರಿನ್ಸಿಪಲ್ ಸಿವಿಲ್ ಜಡ್ಜ್ ಬೊಕ್ಕ ಜೆಎಂಎಫ್ ಸಿ ನ್ಯಾಯಂತಡೆ ಜಾಮೀನು ಮಂಜೂರ್ ಮಲ್ದ್ಂಡ್.
ಪುತ್ತೂರು ಮಹಿಳಾ ಪೊಲೀಸ್ ಸ್ಟೇಶನ್‌ಡ್ ದಾಕಲಾತಿನ ಪ್ರಕರಣೊಡು ಕಾನೂನುಗು ಗೌರವ ಕೊರ್ದು ನ್ಯಾಯಂತಡೆಕ್ ತನ್ನ ವಕೀಲೆರಾಯಿನ ನರಸಿಂಹ ಪ್ರಸಾದ್‌ರೆನ ಒಟ್ಟುಗು ಅರುಣ್ ಕುಮಾರ್ ಪುತ್ತಿಲ ನ್ಯಾಯಂತಡೆಕ್ ಹಾಜಿರಾದಿತ್ತೆರ್. ವಿಚಾರಣೆ ಮಲ್ತಿನ ನ್ಯಾಯಂತಡೆ ಅರುಣ್ ಕುಮಾರ್ ಪುತ್ತಿಲ ಮೆರೆಗ್ ಜಾಮೀನು ಮಂಜೂರು ಮಲ್ದ್ಂಡ್.
ನ್ಯಾಯಾಂಗ ವ್ಯವಸ್ಥೆಡ್ ನಂಬಿಕೆ ಇತ್ತ್‌ದ್ ಬರ್ಪಿನ ದಿನೊಟು ಎನ್ನ ಮಿತ್ತ್ ಬತ್ತಿನಂಚಿನ ಕಲು ಆರೋಪಲೆನ ವಿರುದ್ಧ ಕಾನೂನು ಪ್ರಕಾರ ಪೊರ್ಮ್ಬಾಟೊ ಮಲ್ಪುವೆ ಪಂದ್ ಅರುಣ್ ಕುಮಾರ್ ಪುತ್ತಿಲ ಈ ಪೊರ್ತುಡು ತೆರಿಪಾದೆರ್.