ಕೂಳೂರು ಸಂಕದಲ್ಪ ಭೀಕರ ಅಪಘಾತ, ಪಿರವುಡು ಕುಲ್ದಿತ್ತಿನಾರ್ ಜಾಗೆಡೇ ತೀರಿಯೆರ್

Last updated on September 18th, 2024 at 01:24 pm

ಕೋಡೆ ಬಯ್ಯಗ್ ಕೂಳೂರು ಸಂಕದಲ್ಪ ನಡತಿನ ಅಪಘಾತೊಡು ಬೈಕ್ ದ ಪಿರವು ಕುಲ್ದಿತ್ತಿನಾರ್ ತೀರಿನ ನಡಕೆ ನಡದ್ಂಡ್. ತೀರಿನಾರ್ ತೊರತ್ತಲ್ ದ ಶಕೀಲ್ ಸುವರ್ಣ ಮೆರೆನ ಬೊಡೆದಿ ಲಾವಣ್ಯ(27) ಪನ್ದ್ ತೆರಿದ್ ಬೈದ್ಂಡ್.

ಪಣಂಬೂರುರ್ದು ಕಾವೂರುದಂಚಿ ಬೈಕ್ ಡ್ ಪೋವೊಂದಿತ್ತಿನ ಕಂಡನೆ ಬೊಡೆದಿಗ್ ಕೂಳೂರು ಸಂಕೊರ್ದು ಬರಸ್ ಡ್ ಬತ್ತಿನ ಕಂಟೈನರ್ ಲಾರಿ ಬಲೊರ್ದು ದತ್ತೊಗು ಒರಾನೆ ತಿರ್ಗಾದ್ ದತ್ತ ಮೈಟ್ ಪೋವೊಂದಿತ್ತಿನ ಬೈಕ್ ಗ್ ಎಡ್ತ್ಂಡ್. ಗಾತಿದ ಗಡಿ ಆಯಿನ ಲಾವಣ್ಯ ಮೇರ್ ಜಾಗೆಡೇ ತೀರ್ದೆರ್. ಕಂಡನೆ ಬಲತ್ತ ಮರ್ಗಿಲ್ ಬೂರಿನೆರ್ದ್ ಎಚ್ಚಿನ ಪೆಟ್ಟ್ ಆತಿಜಿ. ಜಾಗೆಗ್ ತೊರತ್ತಲ್ ಸಂಚಾರಿ ಪೋಲೀಸೆರ್ ಬತ್ತ್ ಪರಿಶೀಲನೆ ಮಲ್ದೆರ್.