ಕಾರ್ಲ : ಶಾಂಭವಿ ತುದೆಕ್ ಬೂರ್ದು ತೀರಿನ ಆನ್, ನಾಲ್ ಜನ ಜೋಕುಲು  ಗೊಬ್ಬೊಂದಿಪ್ಪುನಗ ನಡಪುನ ನಡಕೆ

Last updated on September 22nd, 2024 at 09:33 pm

ಸಾಣೂರು : ತುದೆತ ಕೈತಲ್ ಗೊಬ್ಬೊಂದಿಪ್ಪುನಗ ಆನ್ ಒರಿ ತುದೆಕ್ ಬೂರ್ದು ತೀರಿನ ನಡಕೆ ಸಾಣೂರುಡು ಸೆಪ್ಟೆಂಬರ್ 21ಕ್ಕ್ ನಡದ್ಂಡ್. ಇರ್ವತ್ತೂರುದ ಪುಷ್ಪಾ ದೇವಾಡಿಗ ಮೆರೆನ ಮಗೆ ಚರಣ್ ರಾಜ್(13) ತೀರಿನ ಆನ್.

ಚರಣ್ ರಾಜ್ ಸಾಣೂರು ಹೈಸ್ಕೂಲುಡು 9ನೇ ಕ್ಲಾಸ್ ಓದೊಂದಿತ್ತೆರ್. ಸೆ 21ಕ್ಕ್ ಶಾಲೆಡ್ ಫ್ರೀ ಉಪ್ಪುನ ಪೊರ್ತುಗು ಬಾಕಿದ ಮೂಜಿ ಜೋಕುಲೆನ ಒಟ್ಟುಗು ಶಾಂಭವಿ ತುದೆತಂಚಿ ಗೊಬ್ಬರೆ ಪೋತೆರ್. ಅಪಗ ಆಕಸ್ಮಿಕವಾದ್ ಆನ್ ತುದೆಕ್ ಬೂರಿಯೆರ್. ಅಲ್ಪದಕುಲು ಆನನ್ ನೀರ್ದ್ ದೆರ್ತ್ ಅಪಗನೇ ಕಾರ್ಲ ಸರಕಾರಿ ಆಸ್ಪತ್ರೆಗ್ ಕೊನೊಯೆರ್ ಆಂಡ ಅಲ್ಪ ಪರೀಕ್ಷೆ ಮಲ್ತಿನ ಬೈದ್ಯೆರ್ ಆನ್ ತೀರಿನೆನ್ ದೃಢ ಮಲ್ತೆರ್. ಪಾಪದಕಲೆನ ಇಲ್ಲದಾಯೆ ಆಯಿನ ಚರಣ್ ಅಪ್ಯಮ್ಮಗ್ ಒರಿಯೇ ಮಗೆ ಆದಿತ್ತೆ. ಕಲ್ಪಿನೆಟ್ಟ್ ಗೊಬ್ಬುನೆಟ್ಟ್ ಬಾರೀ ಬಿರ್ಸೆಲಾ ಆದಿತ್ತೆ ಪನ್ದ್ ತೆರಿದ್ ಬೈದ್ಂಡ್.