Last updated on October 18th, 2024 at 03:06 pm
ಮಂಜೇಶ್ವರ : ತನನ್ ತಾನೇ ಡಾಕ್ಟರ್ ಪಂಡೊಂದು, ಕಲ್ವ ಮರ್ದ್‌ಲೆನ್ ಮಲ್ತೊಂದು ಮರ್ದ್ ಕೊರೊಂದಿತ್ತಿನ ಆರೋಪಡ್ ಕಲ್ವ ಡಾಕ್ಟರ್‌ನ್ ಮಂಜೇಶ್ವರ ಪೊಲೀಸೆರ್ ಕೈದ್ ಮಲ್ದೆರ್.
ಪಾಲಕ್ಕಾಡ್ ಮರ್ಣ್ಣಾಕಾಡ್ ಕಳರಿಕ್ಕಲ್ ನಿವಾಸಿ ಸಿ.ಎಂ. ಜಮಾಲುದ್ದೀನ್ (56) ಕೈದಾತಿನ ಕಲ್ವ ಡಾಕ್ಟರ್. ಮಂಜೇಶ್ವರ ಎಸ್‌ಐ ಕೆ.ವಿ. ಸುಮೇಶ್‌ರಾಜ್ ಕಲ್ವ ಡಾಕ್ಟರ್‌ನ್ ಉಪ್ಪಳ ಪಚ್ಚಂಪಾರೆಡ್ ಕೈದ್ ಮಲ್ದೆರ್. ಅಲ್ಪದ ಫ್ರೆಂಡ್ಸ್‌ಕ್ಲಬ್‌ಡ್ ಜಮಾಲುದ್ದೀನ್‌ನ ಮುತಾಲಿಕೆಡ್ ಶಿಬಿರ ನಡತಿತ್ತ್ಂಡ್. ಒವ್ವೇ ಅರ್ಹತೆದೋಂತೆ , ದಾಖಲೆ ಪತ್ರೊಲ್ಲಾ ಇಜ್ಜಂದೆ ರೋಗಿಲೆನ ಟೆಸ್ಟ್ ಮಲ್ತ್‌ದ್ ಮರ್ದ್ ಕೊರ್ತೆ ಪನ್ಪಿನ ಆರೋಪಡ್ ಆಯನ್ ಕೈದ್ ಮಲ್ದ್ಂಡ್.
ಫೇಕ್ ಡಾಕ್ಟರ್ ವೈದ್ಯಕೀಯ ಶಿಬಿರ ಮಲ್ತೊಂದುಪ್ಪುನ ಬಗೆಟ್ ಜಿಲ್ಲಾ ಮೆಡಿಕಲ್ ಆಫೀಸರ್ ಕೆ. ಸಂತೋಷ್‌ರೆಗ್ ಒಲವು ತಿಕ್ಕ್‌ದಿತ್ತ್ಂಡ್. ಈ ಬಗೆಟ್ ಜಡ್ತೆ ಮನ್ಪೆರೆ ಡೆಪ್ಯುಟಿ ಜಿಲ್ಲಾ ಮೆಡಿಕಲ್ ಆಫೀಸರ್‌ರೆಗ್ ಜಬದ್ದರಿ ಕೊರ್ತುಂಡು. ಜಿಲ್ಲಾ ಮೆಡಿಕಲ್ ಆಫೀಸರ್ ಬತ್ತ್‌ದ್ ಮಲ್ದಿನ ಪರಿಶೀಲನೆಡ್ ಜಮಾಲುದ್ದೀನ್‌ಗ್ ಒವ್ವೇ ವೈದ್ಯಕೀಯ ಅರ್ಹತೆ ಇಜ್ಜಂದಿನ ದೃಢ ಆತ್ಂಡ್. ಅವೆರ್ದ್ ಬೊಕ್ಕ ಡಿಎಂಓ ಮಂಜೇಶ್ವರ ಪೊಲೀಸೆರೆಗ್ ಒಯಿಲ್ ಕೊರ್ತೆರ್. ಜಮಾಲುದ್ದೀನ್‌ನ ಮಿತ್ತ್ ಬೇತೆ ಓಲಾಂಡಲಾ ಕೇಸ್‌ಲ್ ಉಲ್ಲನಾ ಪಂದ್ ಜಡ್ತೆ ನಡತೊಂದುಂಡು ಪಂದ್ ಪೊಲೀಸೆರ್ ತೆರಿಪಾದೆರ್.