Last updated on October 18th, 2024 at 08:19 pm
ವಂಜಾರಕಟ್ಟೆ ಆಂಗ್ಲ ಮಾಧ್ಯಮ ಶಾಲೆ, ವಂಜಾರಕಟ್ಟೆ-ಬೋಳ, ಕಾರ್ಲ ಮೊಕುಲೆನ ಮುತಾಲಿಕೆಡ್ ಜೈ ತುಲುನಾಡ್ (ರಿ.) ಒಟ್ಟು ಸೇರಿಗೆಡ್ ಅ.19 ದಾನಿ ಕಾಂಡೆ 11 ಗಂಟೆಗ್ ‘ಬಲೆ ತುಲು ಲಿಪಿ ಕಲ್ಪುಗ’ ಕಜ್ಜಕೊಟ್ಯದ ಉದಿಪನ ಲೇಸ್ ವಂಜಾರಕಟ್ಟೆ ಆಂಗ್ಲ ಮಾಧ್ಯಮ ಶಾಲೆಡ್ ನಡಪರೆ ಉಂಡು.
ವಂಜಾರಕಟ್ಟೆ ಆಂಗ್ಲ ಮಾಧ್ಯಮ ಶಾಲೆದ ಸಂಚಾಲಕೆ ಅಕ್ಷಯ್ ಅಡ್ಯಂತಾಯ ಈ ಲೇಸ್ದ ಗುರ್ಕಾರ್ಮೆನ್ ವಹಿಸೊನುವೆರ್. ಶಾಂತಿನಿಕೇತನ ಚಾರಿಟೇಬಲ್ ಫೌಂಡೇಶನ್ ಟ್ರಸ್ಟ್ದ ಗುರ್ಕಾರ್ಲು ಬೊಕ್ಕ ವಂಜಾರಕಟ್ಟೆ ಆಂಗ್ಲ ಮಾಧ್ಯಮ ಶಾಲೆದ ವ್ಯವಸ್ಥಾಪಕೆರ್ ಅಶೋಕ್ ಅಡ್ಯಂತಾಯ ಲೇಸ್ದ ಉದಿಪನ ಮಲ್ಪರುಲ್ಲೆರ್ .
ವಂಜಾರಕಟ್ಟೆ ಆಂಗ್ಲ ಮಾಧ್ಯಮ ಶಾಲೆದ ಗೌರವ ಸಲಹೆಗಾರೆರ್ ಜಗದೀಶ್ ಆಚಾರ್, ಜೈ ತುಲುನಾಡ್ ಸಂಘಟನೆದ ಗುರ್ಕಾರ್ಲು ಉದಯ ಪೂಂಜಾ ತಾರಿಪಾಡಿಗುತ್ತು, ಜೈ ತುಲುನಾಡ್ ತಾಪಕ ಸಮಿತಿ ಪದುಕೆರ್ ಕಿರಣ್ ತುಲುವೆ , ಜೈ ತುಲುನಾಡ್ ಸಂಘಟನೆದ ಒತ್ತು ಪಣವುದ ಪಾಲವೆರ್ ನಿಶಿಲ್ ಶೆಟ್ಟಿ ಬೇಲಾಡಿ ಮಲ್ಲ ಬಿನ್ನೆರಾದ್, ಒತ್ತುಪಾಲ್ಡ್ ವಂಜಾರಕಟ್ಟೆ ಆಂಗ್ಲ ಮಾಧ್ಯಮ ಶಾಲೆದ ಮುಖ್ಯ ಶಿಕ್ಷಕಿ ಶ್ರೀಮತಿ ಜಯಶ್ರೀ ಪ್ರಕಾಶ್ ಪೂಜಾರಿ ಪಾಲ್ಪಡೆಯರುಲ್ಲೆರ್.
ಈ ಲೇಸ್ದ ಸುದಾರಿಕೆನ್ ಅಂಕಿತಾ ಮಲ್ಪರುಲ್ಲೆರ್. ಮಹೇಶ್ ಶೆಟ್ಟಿ ಬೇಲಾಡಿ, ನಿಶಿಲ್ ಶೆಟ್ಟಿ ಬೇಲಾಡಿ, ದೀಪಕ್ ಶೆಟ್ಟಿ ಬೇಲಾಡಿ ತುಳು ಲಿಪಿ ಕಜ್ಜಕೊಟ್ಯನ್ ನಡಪಾವೆರ್.