ಕಸ್ತೂರಿ ರಂಗನ್ ವರದಿದ ಬಗೆಟ್ ಏರ್ಲಾ ಪೋಡ್ಯೊನುನು ಬೊಡ್ಚಿ : ಕೋಟ ಶ್ರೀನಿವಾಸ ಪೂಜಾರಿ

Last updated on November 17th, 2024 at 08:38 am

ಕಸ್ತೂರಿ ರಂಗನ್ ವರದಿದ ಲೆಕ್ಕೊಡು ಮೂಡಾಯಿ ಘಟ್ಟೊನು ಪರಿಸರ ಸೂಕ್ಷ್ಮ ಪ್ರದೇಶ ಪನ್ದ್ ಘೋಷಣೆ ಮಲ್ದಿನ ಕರಡು ಅಧಿಸೂಚನೆನ್ ಪತ್ತ ತಿರಸ್ಕಾರ ಮಲ್ಪರೆ ರಾಜ್ಯ ಸರಕಾರ ನಿರ್ಧಾರ ಮಲ್ದ್ಂಡ್. ಈ ಬಗೆಟ್ ಏರ್ಲಾ ಪೋಡ್ಯೊನುನ ಅಗತ್ಯ ಇಜ್ಜಿ ಪನ್ದ್ ಒಡಿಪು ಸಂಸದೆ ಕೋಟಾ ಶ್ರೀನಿವಾಸ ಪೂಜಾರಿ ಪನ್ಡೆರ್.

ಜಿಲ್ಲಾಧಿಕಾರಿ ಕಚೇರಿ ಸಂಕೀರ್ಣದ ಜಿ.ಪಂ. ಡಾ| ವಿ.ಎಸ್‌. ಆಚಾರ್ಯ ಸಭಾಂಗಣಟ್ ಪಸಂದ್ರ ಸೂಕ್ಷ್ಮ ಪ್ರದೇಶ ಅಂಚೆನೆ ಕಸ್ತೂರಿ ರಂಗನ್‌ ವರದಿ ಬಗೆಟ್ ಪಾತೆರಕತೆ ಮಲ್ಪರೆ ಆಯೋಜನ ಮಲ್ದಿನ ಸಭೆತ ಗುರ್ಕಾರ್ಮೆ ವೈಯಿಸೊಂದು ಪಾತೆರ್ದ್ ಸರಕಾರದ ಅರಣ್ಯ ಕಾಯ್ದೆಲು ಅರಣ್ಯ ಇಲಾಖೆದ ನೀತಿ ನಿಯಮೊಲೆರ್ದ್ ಯಾಪಲಾ ತೊಂದರೆ ಅನುಭವಿತೊಂದಿಪ್ಪುನ ಕಾಡ ಮುದೆಲ್ದ ನಿವಾಸಿಲೆಗ್ ಕಸ್ತೂರಿ ರಂಗನ್‌ ವರದಿ ಬತ್ತ್ಂಡ ವಿದ್ಯುತ್‌, ತಾದಿ, ಸಂಕ, ಪರ್ಪಿನ ನೀರ್, ಜನವಸತಿ ಪ್ರದೇಶ, ವಸತಿ ಪ್ರದೇಶ, ಇಲ್ಲ್ ನಿರ್ಮಾಣ ಸೇರ್ದ್ ಮೂಲಸೌಕರ್ಯಲೆಗ್ ಕುತ್ತು ಬತ್ತ್ ಭವಿಷ್ಯಡ್ ಜನ ಜೀವನಕಗ್ ಅನಾನುಕೂಲ ಆಪುಂಡು ಪನ್ಪಿ ಪೋಡಿಗೆ ಉಂಡು. ಇತ್ತೆದ ಪರಿಸ್ಥಿತಿಟ್ ಮೂಡಾಯಿ ಘಟ್ಟನ್ ಪರಿಸರ ಸೂಕ್ಷ್ಮ ಪ್ರದೇಶ ಪನ್ದ್ ಘೋಷಿಪುನ ಬಗೆಟ್ ಕಸ್ತೂರಿ ರಂಗನ್‌ ವರದಿದ ಕರಡು ಅಧಿಸೂಚನೆನ್ ರಾಜ್ಯ ಸರಕಾರ ತಿರಸ್ಕಾರ ಮಲ್ದ್ಂಡ್ ಪನ್ದ್ ಆರ್ ಪನ್ಡೆರ್.