ಕುಡ್ಲ – ಬಹುಸಂಸ್ಕೃತಿ ಉತ್ಸವದ ಲೋಗೋ ಬುಡುಗಡೆ

Last updated on November 17th, 2024 at 11:10 am

ಕುಡ್ಲ ನವೆಂಬರ್ 16 : ಕರ್ನಾಟಕ ಸುವರ್ಣ ಸಂಭ್ರಮೊದ ಲೆಕ್ಕೊಡು ಕುಡ್ಲಡ್ ಡಿಸೆಂಬರ್ 3 ಬೊಕ್ಕ 4 ತಾನಿ ನಡಪುನ ‘ಬಹುಸಂಸ್ಕೃತಿ ಉತ್ಸವ’ದ ಲೋಗೋನು ಜಿಲ್ಲಾ ಉಸ್ತುವಾರಿ ಸಚಿವೆ ದಿನೇಶ್ ಗುಂಡೂರಾವ್ ಕೋಡೆ ಬುಡುಗಡೆ ಮಲ್ತೆರ್.

ಮಂಗಳೂರಿನ ಕುದ್ಮುಲ್ ರಂಗರಾವ್ ಪುರಭವನೊಡು ನಡಪರೆಗುಪ್ಪುನ ‘ಬಹುಸಂಸ್ಕೃತಿ ಉತ್ಸವ’ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ, ಕರ್ನಾಟಕ ಬ್ಯಾರಿ ಸಾಹಿತ್ಯ ಅಕಾಡೆಮಿ, ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ, ಕರ್ನಾಟಕ ಅರೆಭಾಷೆ ಸಂಸ್ಕೃತಿ ಬೊಕ್ಕ ಸಾಹಿತ್ಯ ಅಕಾಡೆಮಿ, ಕರ್ನಾಟಕ ಕೊಡವ ಸಾಹಿತ್ಯ ಅಕಾಡೆಮಿ ಅಂಚೆನೇ ಕರ್ನಾಟಕ ಯಕ್ಷಗಾನ ಅಕಾಡೆಮಿಲೆನ ಒಟ್ಟು ಸೇರಿಗೆಡ್ ಅಂಚೆನೇ ದ.ಕ ಜಿಲ್ಲಾಡಳಿತೊದ ಸಹಕಾರೊಡು ನಡಪುಂಡು.

ದ.ಕ.ಜಿಲ್ಲಾಧಿಕಾರಿ ಕಚೇರಿಡ್ ನಢತಿನ ಲಾಂಛನ ಬುಡುಗಡೆದ ಲೇಸ್‌ಡ್ ಶಾಸಕೆ ಯು. ರಾಜೇಶ್ ನಾಯ್ಕ್, ಜಿಲ್ಲಾಧಿಕಾರಿ ಮುಲ್ಲೈ ಮುಹಿಲನ್, ತುಳು ಅಕಾಡೆಮಿ ಅಧ್ಯಕ್ಷೆ ತಾರಾನಾಥ್ ಗಟ್ಟಿ ಕಾಪಿಕಾಡ್, ಬ್ಯಾರಿ ಅಕಾಡೆಮಿ ಅಧ್ಯಕ್ಷೆ ಉಮರ್ ಯು.ಹೆಚ್., ಕೊಂಕಣಿ ಅಕಾಡೆಮಿ ಅಧ್ಯಕ್ಷೆ ಸ್ಟ್ಯಾನಿ ಆಲ್ವಾರಿಸ್, ಅರೆಭಾಷೆ ಅಕಾಡೆಮಿ ಅಧ್ಯಕ್ಷೆ ಸದಾನಂದ ಮಾವಾಜಿ, ಅಪರ ಜಿಲ್ಲಾಧಿಕಾರಿ ಡಾ. ಸಂತೋಷ್ ಕುಮಾರ್, ಜಿಲ್ಲಾ ಪಂಚಾಯತ್ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಡಾ. ಆನಂದ್, ಜಿಲ್ಲಾ ಪೋಲಿಸ್ ವರಿಷ್ಠಾಧಿಕಾರಿ ಯತೀಶ್ ಎನ್., ಕುಡ್ಲ ಮ.ನ.ಪಾ ಕಮಿಶನರ್ ಕೆ.ಎಲ್. ಆನಂದ್, ಜಿಲ್ಲಾ ವಾರ್ತಾಧಿಕಾರಿ ಖಾದರ್ ಷಾ ಒತ್ತು‌ಪಾಲ್‌ಡಿತ್ತೆರ್.