Last updated on December 4th, 2024 at 06:46 pm
ಉಬಾರ್: ಆಂಜೊವು ಒರ್ಯನ ಪುನ ಉಬಾರ್ ಬಸ್ ಉಂತಡೆದ ಕೈತಲ್ ಕಟ್ಟೊಂದುಪ್ಪುನ ಗ್ರಾ.ಪಂ.ದ ಗ್ರಂಥಾಲಯ ಕಟ್ವಾನೊದ ಮಿತ್ತ್ ಇನಿ ಕಾಂಡೆ ತಿಕ್ಕ್‌ದಿತ್ತ್‌ದ್, ಕೆರ್ತಿನ ಶಂಕೆ ತೋಜಿದ್ ಬೈದ್ಂಡ್.
ಸುಮಾರ್ 45 ವರ್ಸ ಪ್ರಾಯೊದ ಬಡಕಾಯಿ ಭಾರತ ಮೂಲೊದ ಗುರ್ತದಾಂತಿನ ಆಂಜೊವುನ ತರೆಕ್ ಕಲ್ಲ್ ಅತ್ತ್ಂಡ ಬೇತೆ ಪಣೆಕುಲೆಡ್ ಆಕ್‌ದ್ ಕೆರ್ತಿಲೆಕ ಮಿತ್ತ್‌ರ್ದ್ ತೋಜೊಂದುಂಡು. ಅರ್ಧ ಕಂಬೊಲಿ ಪೊದೆಪಾದಿನ ಲೆಕ ಪುನ ತಿಕ್ಕ್‌ದ್ಂಡ್. ಪುನತ ಬರಿಟೆ ಒಂಜಿ ಮೊಬೈಲ್ ಫೋನ್ ತಿಕ್ಕ್‌ದಿತ್ತ್‌ದ್, ಅವೆತ ಸಿಮ್‌ನ್ ದೆತ್ತ್‌ದೆರ್ ಪನ್ದ್ ಪೊಲೀಸೆರ್ ತೆರಿಪಾದೆರ್.
ಬಸ್ ಉಂತಡೆದಲ್ಪ ಇಪ್ಪುನ ಈ ಕಟ್ವಾನೊದ ಬೇಲೆ ನಡತೊಂದಿತ್ತ್‌ದ್, ಉಬಾರ್ ಗ್ರಾಮ ಪಂಚಾಯತ್‌ಗ್ ಸೇರ್ದಿನವಾದುಂಡು. ಬಾರೀ ಬರ್ಸ ಇತ್ತಿನೆರ್ದಾವರ ಸೋಮಾರ, ಅಂಗಾರೆ ಬೇಲೆ ಉಂತಾದಿತ್ತೆರ್. ಇನಿ ಬೇಲೆದಕುಲು ಬತ್ತ್‌ದ್ ತೂನಗ ನಡಕೆ ಬೊಲ್ಪುಗು ಬೈದ್ಂಡ್. ಉಬಾರ್ ಪೊಲೀಸೆರ್ ಜಾಗೆಗ್ ಬತ್ತ್‌ದ್, ಪರಿಶೀಲನೆ ಮಲ್ತ್‌ದ್ ಜಡ್ತೆಗ್ ತೊಡಂಗ್‌ದೆರ್.