ಈ ಸಲ ಯಾನ್ ದೇವೇಂದ್ರ ಫಡ್ನವೀಸ್ ಪುದರ್ ಸೂಚನೆ ಮಲ್ತ್ ಋಣ ಸಂದೈತ ಮಲ್ಪುವೆ : ಶಿಂಧೆ

Last updated on December 5th, 2024 at 10:21 am

ಮಹಾರಾಷ್ಟ್ರ ರಾಜ್ಯಪಾಲೆ ಸಿ.ಪಿ ರಾಧಾಕೃಷ್ಣನ್ ಮೆರೆಡ ಸರಕಾರ ಮಲ್ಪರೆ ಹಕ್ಕ್ ಮಂಡನೆ ಮಲ್ತಿಬೊಕ್ಕ ಸುದ್ದಿಗಾರೆರೆನ ಒಟ್ಟುಗು ಪಾತೆರ್ನಗ, ಪೋಯಿನ ಸಲ ಮುಖ್ಯಮಂತ್ರಿ ಜಾಗೊಗು ದೇವೇಂದ್ರ ಫಡ್ನವೀಸ್ ಎನ್ನ ಪುದರ್ ಸೂಚನೆ ಮಲ್ದಿತ್ತೆರ್. ಅಂಚಾದ್ ಈ ಸಲ ಯಾನ್ ಆರ್ ಪುದರ್ ಪನೊಂದುಲ್ಲೆ ಪನ್ದ್ ಏಕನಾಥ ಶಿಂಧೆ ಪನ್ಡೆರ್.

ಅವ್ವತ್ತಂದೆ ಯಾನ್ ಬಿಜೆಪಿ ದೆತೊನಿನ ಒವ್ವೇ ನಿರ್ದಾರೊಲೆಗ್ ಅಡ್ಡ ಬರ್ಪುಜಿ. ಓಟುದ ರಿಸಲ್ಟ್ ಬತ್ತಿನೇ ಶಿಂಧೆಲಾ ಮುಖ್ಯಮಂತ್ರಿ ಆವೊಡು ಪನ್ದ್ ಪುನೆಪು ಬರೊಂದಿತ್ತೆರ್. ಆಂಡ ಬೊಕ್ಕ ಬಿಜೆಪಿದ ಮಲ್ಲಕಲೆನೊಟ್ಟುಗು ದೆಲ್ಲಿಡ್ ಪಾತೆರಕತೆ ಮಲ್ತಿನೇ ಸಿಎಂ ಸೀಟ್ ಬುಡ್ದ್ ಕೊರಿಯರೆ ರೆಡಿ ಆಯೆರ್.