Last updated on December 18th, 2024 at 08:32 am
ಬೊಲ್ತೇರ್: ಒವ್ವಾ ವಿಚಾರೊಡು ಚಾರ್ಮಾಡಿದ ಮುಹಿದ್ದಿನ್ ಜುಮ್ಮಾ ಪಲ್ಲಿದ ಧರ್ಮಗುರುಕ್ಲೆನ ಮಿತ್ತ್ 12 ಜನೊತ ಕೂಟ ಅಂಗಾರೆ ರಾತ್ರೆ ಪಲ್ಲಿಗ್ ಪೊಗ್ಗುದು ಹಲ್ಲೆ ಮಲ್ತಿತ್ತ್‌ದ್, ಗಡಿಕುಲಾತಿನ ಧರ್ಮಗುರುಕುಲು ಬೊಲ್ತೇರ್ ತಾಲೂಕ್ ಸರ್ಕಾರಿ ಆಸ್ಪತ್ರೆಗ್ ದಾಕಲಾದ್ ಮರ್ದ್ ಮಲ್ತೊಂದುಲ್ಲೆರ್.
ಚಾರ್ಮಾಡಿ ಗ್ರಾಮೊದ ಮುಹಿದ್ದಿನ್ ಜುಮ್ಮಾ ಪಲ್ಲಿ ಜಾಲಲಿನಗರೊದ ಧರ್ಮಗುರು ಶಮೀರ್ ಮುಸ್ಲಿಯಾರ್ (37) ಪನ್ಪಿನಾರೆಗ್ ಅಲ್ಪದಕುಲೇ ಆಯಿನ ಬದ್ರುದ್ದೀನ್, ಸಂಶುದ್ದೀನ್, ಅಹಮದ್ ಟಿಬಿ ರೋಡ್, ನೌಫಲ್, ಅನ್ಸರ್, ಆಸೀಫ್, ಮುನೀರ್, ಅಫೀಝ್, ಅಫ್ರೀಜ್, ಶರೀಫ್, ಅಬ್ದುಲ್, ಖಾದರ್ ಪನ್ಪಿನಕುಲು ಪಲ್ಲಿಗ್ ಪೊಗ್ಗುದು ಹಲ್ಲೆ ಮಲ್ದಿನ ಬಗೆಟ್ ಆರೋಪ ಮಲ್ದೆರ್.
ಹಲ್ಲೆ ಆಯಿ ಬೊಕ್ಕ ಪಲ್ಲಿದಲ್ಪನೇ, ಹಲ್ಲೆ ಮಲ್ದಿನ ಕೂಟ ಬೊಕ್ಕ ಪಲ್ಲಿದಕಲೆನ ನಡುಟು ಗಲಾಟೆ ಆದಿತ್ತ್‌ದ್, ಈ ನಡಕೆದ ವೀಡಿಯೋ ವೈರಲ್ ಆತ್ಂಡ್. ಕುಡುಮ ಪೋಲೀಸ್ ಸ್ಟೇಷನ್‌ಡ್ ಧರ್ಮಗುರುಕುಲು ಒಯಿಲ್ ಬರೆಪಾದಿತ್ತ್‌ದ್, ಪೋಲೀಸೆರ್ ಜಡ್ತೆ ಮಲ್ತೊಂದುಲ್ಲೆರ್.