Last updated on December 25th, 2024 at 11:13 am
ಮಲ್ಪೆ: ಕೋರ್ದ ಕಟ್ಟ ನಡತೊಂದಿತ್ತಿನಡೆ ಪೊಲೀಸೆರ್ ದಾಳಿ ಮಲ್ತ್‌ದ್ ಮೂವೆರೆನ್ ವಶೊಕು ಗೆತೊಂದೆರ್.
ಡಿಸೆಂಬರ್ 23ತಾನಿ ಪಡುತೋನ್ಸೆ ಗ್ರಾಮೊದ ಕೆಮ್ಮಣ್ಣ್ ಕೋಡಿ ಕಂಡಾಳ ಬಬ್ಬುಸ್ವಾಮಿ ಸಾನೊದ ಬರಿತ ಪಾಡಿಡ್ ಕೋರ್ದ ಕಟ್ಟ ನಡತೊಂದಿತ್ತಿನ ಬಗೆಟ್ ಪತ್ತ ಒಲವು ಇತ್ತ್‌ದ್, ಮಲ್ಪೆ ಪೊಲೀಸೆರ್ ದಾಳಿ ಮಲ್ತ್‌ದ್ ಉಲ್ಲಾಸ್‌, ಸೀಫನ್‌ ಪೀಟರ್‌ ಡಿ’ಸೋಜಾ, ಶ್ರವಣ ಕುಮಾರ್‌ ಮೊಕಲೆನ್ ವಶೊಕು ಗೆತೊಂದಿತ್ತ್‌ದ್, ಬಾಕಿದಕುಲು ಅಲ್ಪರ್ದ್ ಪದ್ರಾಡಾತೆರ್.
ಕೋರ್ದ ಕಟ್ಟ ನಡತಿನ ಜಾಗೆಡ್ ಒಂಜಿ ಕೋರಿ, ಜುಗಾರಿಗ್ ಗಲಸಿನ 960 ರೂ. ಕಾಸ್‌ನ್ ಪೊಲೀಸೆರ್ ಸ್ವಾಧೀನ ಮಲ್ತೊಂದೆರ್. ಈ ಬಗೆಟ್ ಮಲ್ಪೆ ಪೊಲೀಸ್‌ ಸ್ಟೇಶನ್‌ಡ್ ಪ್ರಕರಣ ದಾಕಲಾತ್ಂಡ್.