ಮಾಜಿ ಪ್ರಧಾನಿ ಮನಮೋಹನ್ ಸಿಂಗ್ ತೀರಿನ ಲೆಕ್ಕೊಡು ಇನಿ ರಾಜ್ಯದ ಮಾತಾ ಶಾಲೆ ಕಾಲೇಜಿಲೆಗ್ ರಜೆ

Last updated on December 27th, 2024 at 07:24 am

ಪೊಸ ದೆಲ್ಲಿ : ದೇಸೊದ ಮಾಜಿ ಪ್ರಧಾನ ಮಂತ್ರಿಲು, ಮಾಜಿ ಕೇಂದ್ರ ವಿತ್ತ ಸಚಿವೆರ್, ಮಾಜಿ ಅರ್ ಬಿ ಐ ಗವರ್ನರ್ ಡಾ ಮನಮೋಹನ ಸಿಂಗ್ ದೆಲ್ಲಿದ ಏಮ್ಸ್ ಆಸ್ಪತ್ರೆಡ್ 2024 ಡಿಸೆಂಬರ್ 26ತಾನಿ ತೀರ್ದ್ ಪೋಯೆರ್. ಮೇರ್ ದೇಸೊಗು ಮಲ್ದಿನ ಸೇವೆಲೆನ್ ಗಮನೊಡು ದೀದ್ ಕರ್ನಾಟಕ ರಾಜ್ಯ ಸರಕಾರ ಇನಿತ್ತ ದಿನೊಟ್ಟು ಪಂಡ ಡಿಸೆಂಬರ್ 27 ಗ್ ರಾಜ್ಯದ ಮಾತಾ ಶಾಲಾ ಕಾಲೇಜಿಲೆಗ್ ರಜೆ ಘೋಷಣೆ ಮಲ್ತೆರ್.

ಇನಿತ್ತ ದಿನೊಟ್ಟು ಬೆಳಗಾವಿಡ್ ನಡಪರೆಗೀತ್ತಿನ ಕಾಂಗ್ರೆಸ್ ಶತಮಾನೋತ್ಸವ ಲೇಸ್ ಬೊಕ್ಕ ಗಾಂಧೀಜಿನ ಪುತ್ತಳಿ ಬುಡುಗಡೆ ಲೇಸ್‌ಲಾ ರದ್ದ್ ಆತ್ಂಡ್. ಶತಮಾನೋತ್ಸವ ಲೇಸ್ ನಡಪುನ ಜಾಗೆಡ್ ಕಾಂಡೆ ಪತ್ತರೆಕ್ಕ್ ಸಿಂಗ್ ಮೆರೆಗ್ ಶ್ರದ್ಧಾಂಜಲಿ ಸಂದಾವರೆ ಉಂಡು ಪಂದ್ ಡಿ.ಸಿ.ಎಂ ಶಿವಕುಮಾರ್ ತೆರಿಪಾಯೆರ್.