Last updated on January 18th, 2025 at 11:23 am
ಕುಡ್ಲ,ಜ.17: ಕ್ರೀಡಾಪಟುಲು, ಕೋಚ್‌ನಕುಲು ಬೊಕ್ಕ ಕ್ರೀಡಾ ಇಲಾಖೆ ಏತ್ ಬೋಡಾಂಡಲ ಕಾಸ್-ಸೌಲತ್ತ್ ಕೇನ್ಲೆ. ಯಾನ್ ಕೊರ್ಪೆ. ಆಂಡ ಒಲಂಪಿಕ್‌ಡ್ ರಾಜ್ಯೊದ ಗೊಬ್ಬುಗಾರೆರ್ ದೇಶೊಗು ಮೆಡಲ್ ಕನಲೆ ಪನ್ದ್ ಮುಖ್ಯಮಂತ್ರಿ ಸಿದ್ದರಾಮಯ್ಯೆರ್ ಪನ್ಡೆರ್.
ಯುವಜನ ಬೊಕ್ಕ ಕ್ರೀಡಾ ಇಲಾಖೆ ಅಂಚೆನೇ ಜಿಲ್ಲಾಡಳಿತ ಒಟ್ಟು ಸೇರಿಗೆಡ್ ಅಟ್ಟನೆ ಮಲ್ತಿತ್ತಿನ ‘ಕರ್ನಾಟಕ ಕ್ರೀಡಾಕೂಟ 2025’ ದ ಉದಿಪನ ಮಲ್ತ್‌ದ್ ಆರ್ ಪಾತೆರ್ಯೆರ್. ಬೋಡಾಪಿನ ಮಿತ್ತರ್ಮೆ ಬೊಕ್ಕ ಉಮೇದ್ ದಿಂಜಾವುನಕುಲಿಜ್ಜಂಡ ಕ್ರೀಡಾ ಕ್ಷೇತ್ರ ಅಂಚೆನೇ ಕ್ರೀಡಾಪಟುಲು ಬುಲೆಯೆರೆ ಸಾಧ್ಯ ಇಜ್ಜಿ. ಅಂಚಾದ್ ನಮ್ಮ ಸರ್ಕಾರ ರಾಜ್ಯ, ರಾಷ್ಟ್ರ, ಅಂತಾರಾಷ್ಟ್ರೀಯ ಮಟ್ಟೊಡು ಪಾಲ್‌ಪಡೆಪಿನ ಕ್ರೀಡಾಪಟುಲೆಗ್ ಹಾಜರಾತಿ ಸೇರ್ದ್ ಬೇತೆ ರಿಯಾಯ್ತಿಲೆನ್ ಕೊರ್ಪುನ ಬಗೆಟ್ ಕ್ಯಾಬಿನೆಟ್‌ಡ್ ಚರ್ಚೆ ಮಲ್ತ್‌ದ್ ತೀರ್ಮಾನ ಮನ್ಪುವ ಪನ್ದ್ ಪನ್ಡೆರ್.
ಬರ್ಪಿನ ಬಜೆಟ್ ಡ್ ಕುಡ್ಲ ಬೊಕ್ಕ ಒಡಿಪುದ ಕ್ರೀಡಾಂಗಣೊಲೆನ ಉನ್ನತೀಕರಣೊಗು 3- 3 ಕೋಟಿ ರೂಪಾಯಿ ದೆತ್ತ್‌ದ್ ದೀಪೆ ಪನ್ದ್ ಉಂದುವೇ ಪೊರ್ತುಡು ಮುಖ್ಯಮಂತ್ರಿಲು ಘೋಷಣೆ ಮಲ್ತೆರ್.