Last updated on January 28th, 2025 at 02:56 pm
ಒಡಿಪು, ಜ.28: ಸರಕಾರಿ ಬಸ್ಸ್‌ರ್ದ್ ಜಪ್ಪುನಗ ಆಯತತ್ತ್‌ದ್ ಬೂರ್ನ ಪೊಂಜೊವುನು ಅವ್ವೇ ಬಸ್ಸ್‌ಡ್ ಜಿಲ್ಲಾ ಆಸ್ಪತ್ರೆಗ್ ಲೆತೊಂದು ಬತ್ತಿನ ನಡಕೆ ನಡತ್‌ದ್ಂಡ್. ಒಡಿಪುಗು ಮುಟ್ಟದ ಪುತ್ತೂರುದ ಕೈತಲ್ ಸರಕಾರಿ ಬಸ್ಸ್‌ರ್ದ್ ಜಪ್ಪುನ ಪೊರ್ತುಡು ಪೊಂಜೊವು ಒರ್ತಿ ಆಯತತ್ತ್‌ದ್ ಬೂರ್ದು ಗಡಿಕುಲಾದಿತ್ತ.
ವಿಷಯ ತೆರಿನ ಸಾರ್ವಜನಿಕೆರ್ ಪೆಟ್ಟಾತಿನಾರೆನ್ ಅವ್ವೇ ಬಸ್‌ಡ್ ಲೆತೊಂದು ಬತ್ತ್‌ದ್ ಜಿಲ್ಲಾಸ್ಪತ್ರೆಗ್ ದಾಕಲ್ತ್‌ದೆರ್. ಪೊಂಜೊವುನು ಒಡಿಪು ಹನುಮಂತ ನಗರದ ನಿವಾಸಿ ಶಾಂತಾ (55) ಪನ್ದ್ ಗುರ್ತ ಪತ್ತ್‌ದೆರ್. ಆರ್ ಬೂರ್ದ್ ಮತಿ ತತ್ತಿನ ಸ್ಥಿತಿಟ್ ಇತ್ತ್‌ದ್, ಆರೆನ ಬಲ ಕೈತ ಎಲು ಪೊಲಿದ್ಂಡ್ ಪನ್ದ್ ತೆರಿದ್ ಬೈದ್ಂಡ್.
ಇತ್ತೆ ಬೈದ್ಯೆರ್ ಬೋಡಾಪಿನ ಮರ್ದ್ ಕೊರ್ದಿತ್ತ್‌ದ್ ಪ್ರಾಣಾಪಾಯ ದಾಲ ಇಜ್ಜಿ ಪನ್ದ್ ಆಸ್ಪತ್ರೆಗ್ ದಾಕಲ್ತಿನ ಸಾಮಾಜಿಕ ಕಾರ್ಯಕರ್ತೆ ವಿಶು ಶೆಟ್ಟಿ ತೆರಿಪಾದೆರ್. ಪ್ರಕರಣೊದ ಬಗೆಟ್ ಟ್ರಾಫಿಕ್ ಸ್ಟೇಶನ್‌ಗ್ ಅಂಚೆನೇ ಪೊಂಜೊವುನ ಸಂಬಂಧಿಕೆರೆಗ್ ಒಲವು ಕೊರ್ತುಂಡು.