Last updated on February 13th, 2025 at 04:32 pm
ಕುಡ್ಲ,ಫೆ.13: ಸ್ವಸ್ತಿಕ್ ಟ್ರೇಡಿಂಗ್ ಕಂಪನಿ, ನರೇಶ್ & ಕೋ, ಶಿವ ಪ್ರೇಮ್ ಟ್ರೇಡರ್ಸ್ ಬೊಕ್ಕ ಪರಮೇಶ್ವರಿ ಟ್ರೇಡಿಂಗ್ ಕಂಪನಿಲೆನ ಮಿತ್ತ್ ಐ ಟಿ ಅಧಿಕಾರಿಲು ದಾಳಿ ಮಲ್ತ್‌ದೆರ್. ಟ್ರೇಡಿಂಗ್ ಕಂಪನಿ ಕಚೇರಿ, ಗೋಡೌನ್ ಬೊಕ್ಕ ಟ್ರೇಡೀಂಗ್ ಕಂಪನಿದ ದನಿನ ಇಲ್ಲದ ಮಿತ್ತ್‌ಲಾ ದಾಳಿ ಮಲ್ತ್‌ದ್ ದಾಖಲೆ ಪರಿಶೀಲನೆ ಮಲ್ತ್‌ದೆರ್.
ಬಜ್ಜೈ ವ್ಯಾಪಾರ ಬೊಕ್ಕ ವೈವಾಟ್ ಮಲ್ಪುನ ಸ್ವಸ್ತಿಕ್ ಟ್ರೇಡಿಂಗ್ ಬೊಕ್ಕ ಬೇತೆ ಸಂಸ್ಥೆಲು ಉತ್ತರ ಪ್ರದೇಶ, ಬಿಹಾರ, ದೆಹಲಿ ಬೊಕ್ಕ ಬೇತೆ ಬಡಕಾಯಿ ಭಾರತೊದ ರಾಜ್ಯೊಲೆಡ್ ವೈವಾಟ್ ಮಲ್ಪುನ ಸಂಸ್ಥೆಲಾದಿತ್ತ್‌ದ್, ಸಾರಗಟ್ಲೆ ಕೋಟಿ ರೂಪಾಯಿ ವೈವಾಟ್ ಮಲ್ತ್‌ದ್ ಇನ್‌ಕಮ್ ಟ್ಯಾಕ್ಸ್ ಕಟ್ಟಂದಿನ ತೆರಿನೆರ್ದಾವರ ದಾಳಿ ಮಲ್ತ್‌ದೆರ್.
ದಾಳಿದ ಪೊರ್ತುಡು ಅಕ್ರಮ ವೈವಾಟ್‌ಲೆನ್ ಅಧಿಕಾರಿಲು ನಾಡ್ ಪತ್ತ್‌ದೆರ್. ಸಂಸ್ಥೆ ಪಾನ್ ಮಸಾಲಾ, ಸುಪಾರಿ ಬೊಕ್ಕ ಬೇತೆ ಗುಟ್ಕಾ ಉತ್ಪನ್ನೊಲೆನ ಕೋಟಿಗಟ್ಲೆ ರೂಪಾಯಿದ ವೈವಾಟ್ ಮಲ್ತೊಂದುಪ್ಪುನ ಬೊಲ್ಪುಗು ಬೈದ್ಂಡ್. ಅಧಿಕಾರಿಲು ಕೋಟಿಗಟ್ಲೆ ರೂಪಾಯಿ ಕ್ಯಾಶ್ ವಶೊಕು ಗೆತೊಂದೆರ್. ಅತ್ತಂದೆ ಇಲ್ಲಡ್ ಇತ್ತಿನ ಕೋಟಿಗಟ್ಲೆ ರೂಪಾಯಿ ಮೌಲ್ಯೊದ ದಾಖಲೆ ದಾಂತಿನ ಪದ್ದೈಲೆನ್ ವಶೊಕು ಗೆತೊಂದು ,ಸತ್ಯೇಂದ್ರ ಶರ್ಮಾ ಬೊಕ್ಕ ಶಿವಕುಮಾರ್ ಶರ್ಮಾ ಪನ್ಪಿನಕ್ಲೆಗ್ ಸೇರ್ದಿನ ಕಂಪನಿಲೆನ ಜಡ್ತೆನ್ ಐ ಟಿ ಅಧಿಕಾರಿಲು ಮಲ್ತೊಂದುಲ್ಲೆರ್.