Last updated on February 18th, 2025 at 05:30 pm
ಟೊರೊಂಟೋ, ಫೆ.18 : ಲ್ಯಾಂಡಿಂಗ್ ಪೊರ್ತುಡು ರನ್ ವೇಡ್ ಪೋವೊಂದಿತ್ತಿನ ವಿಮಾನ ಕಬ್ಬೆ ಬೂರ್ದ್ ಪೊತ್ತುದ್ ಪೋತಿನ ನಡಕೆ ಕೆನಡಾದ ರಾಜಧಾನಿ ಟೊರೊಂಟೋ ಡ್ ನಡತ್‌ದ್ಂಡ್.
80 ಜನ ಕುಲ್ಲುದಿತ್ತಿನ ಡೆಲ್ಟಾ ಏರ್ ಲೈನ್ಸ್ ವಿಮಾನ ಲ್ಯಾಂಡ್ ಆದ್ ರನ್‌ವೇಡ್ ಪೋವೊಂದುಪ್ಪುನಗ ಈ ನಡಕೆ ನಡತ್‌ದ್ಂಡ್. ನಡಕೆಡ್ ಕಮ್ಮಿಡ್ 18 ಜನೊಕು ಪೆಟ್ಟಾತ್ಂಡ್. ಉಂದೆಟ್ ಒಂಜಿ ಬಾಲೆ ಸೇರ್ದ್, ಒರಿ ಆಂಜೊವು ಬೊಕ್ಕ ಪೊಂಜೊವುನ ಸ್ಥಿತಿ ಗಂಭೀರವಾದುಂಡು. ದೇಬೆರೆ ದಯೆಟ್ ನಡಕೆಡ್ ಏರ್ಲಾ ತೀರ್ದಿಜೆರ್. ವಿಮಾನ ಕಬ್ಬೆ ಬೂರ್ಯೆರ ಪತ್ತ ನೆವನ ನನಲ ತೆರಿದ್ ಬೈದಿಜಿ.
76 ಪ್ರಯಾಣಿಕೆರ್ ಬೊಕ್ಕ ನಾಲ್ವೆರ್ ಸಿಬ್ಬಂದಿಲು ಇತ್ತಿನ ವಿಮಾನ ಅಮೆರಿಕದ ಮಿನ್ನೇಸೋಟದ ಮಿನ್ನಿಯಾಪೋಲಿಸ್‌ರ್ದ್ ಕೆನಡಾದ ಮಾಮಲ್ಲ ಮಹಾನಗರ ಟೊರೊಂಟೊಗು ಬತ್ತಿತ್ತ್ಂಡ್ ಪನ್ದ್ ವಿಮಾನಯಾನ ಸಂಸ್ಥೆ ಒಲವು ಕೊರ್ತುಂಡು.
ವಿಮಾನ ಕಬ್ಬೆ ಬೂರಿನೇ ಉಂತಡೆಡ್ ಇತ್ತಿನ ಸಿಬ್ಬಂದಿಲು ಸೂ ತೆಕ್ಕಾದ್, ಕಾಪುದ ಬೇಲೆ ಮಲ್ದೆರ್. ಬೊಕ್ಕ ಗಡಿಕುಲಾತಿನಕಲೆನ್ ಹೆಲಿಕಾಪ್ಟರ್‌ಡ್ ಆಸ್ಪತ್ರೆಗ್ ಲೆತೊಂದು ಪೋತೆರ್.